തൃശൂരില്‍ ഗോള്‍ഡ് കവറിങ് ആഭരണ ശാലയില്‍ മോഷണം
Update: 2018-02-26 00:51 GMT
മൂന്ന് ലക്ഷത്തിലധികം രൂപയുടെ ആഭരണങ്ങളാണ് കവര്‍ന്നിരിക്കുന്നത്
തൃശൂര്‍ വടക്കാഞ്ചേരിയില്‍ ഗോള്‍ഡ് കവറിങ് ആഭരണ ശാലയില്‍ മോഷണം. വിലകൂടിയ ആഭരണങ്ങള്‍ തിരഞ്ഞെടുക്കുന്ന മോഷ്ടാവിന്റെ സിസി ടിവി ദൃശ്യങ്ങള്‍ പുറത്തായി,മൂന്ന് ലക്ഷത്തിലധികം രൂപയുടെ ആഭരണങ്ങളാണ് കവര്‍ന്നിരിക്കുന്നത്.
ഓട്ടുപാറയില്‍ പ്രവര്‍ത്തിക്കുന്ന ജുംക്കാസ് ഗോള്‍ഡ് കവറിങ്ങ് ആന്റ് ഫാന്‍സി ഷോപ്പിലാണ് ഇക്കഴിഞ്ഞ 20 ന് പുലര്‍ച്ചെയാണ് മോഷണം നടന്നത്.മോഷ്ടാവ് വില കൂടിയ ആഭരണങ്ങള്‍ തിരഞ്ഞെടുക്കുന്നത് സിസിടിവി ദൃശ്യങ്ങളില്‍ വ്യക്തമാണ്. പൂട്ട് തകര്‍ത്താണ് ഇയാള്‍ അകത്ത് കടന്നത്. സിസിടിവി ദൃശ്യങ്ങളുടെ സഹായത്താല്‍ മോഷ്ടാവിനെ ഉടന്‍ പിടികൂടാനാകുമെന്ന പ്രതീക്ഷയിലാണ് പോലീസും കടയുടമ ഷിയാസും.