കോട്ടയം ഡിസിസി പ്രസിഡന്റ് ചുമതലയേല്‍ക്കുന്ന ചടങ്ങില്‍ ഉമ്മന്‍ചാണ്ടി പങ്കെടുത്തില്ല
Update: 2018-05-01 06:00 GMT
ഉമ്മന്‍ചാണ്ടി വിട്ടുനിന്നതില്‍ അപാകതയോ അസ്വാഭാവികതയോ ഇല്ലെന്ന് വി എം സുധീരന്‍
കോട്ടയം ഡിസിസി പ്രസിഡന്റ് ചുമതലയേല്‍ക്കുന്ന ചടങ്ങില്‍ നിന്ന് ഉമ്മന്‍ചാണ്ടി വിട്ടുനിന്നു. ഉമ്മന്‍ചാണ്ടി നാമനിര്‍ദ്ദേശം ചെയ്ത ജോഷി ഫിലിപ്പ് ചുമതല ഏല്‍ക്കുന്ന ചടങ്ങിന്റെ ഉദ്ഘാടനം നിര്‍വഹിച്ചത് കെപിസിസി പ്രസിഡന്റ് വി എം സുധീരനാണ്. ഡിസിസി പ്രസിഡന്റ് സ്ഥാനത്തേക്ക് പരിഗണിക്കപ്പെട്ട കെപിസിസി ജനറല്‍ സെക്രട്ടറി ലതിക സുഭാഷും ചടങ്ങില്‍ പങ്കെടുത്തിട്ടില്ല.
കോട്ടയത്ത് ഡിസിസി പ്രസിഡന്റിന്റെ സ്ഥാനാരോഹണ പരിപാടികളില്‍ നിന്ന് ഉമ്മന്‍ചാണ്ടി വിട്ടുനിന്നതില്‍ അപാകതയോ അസ്വാഭാവികതയോ ഇല്ലെന്ന്
കെപിസിസി പ്രസിഡന്റ് വി എം സുധീരന്‍. എല്ലാവരുമായി ആലോചിച്ചാണ് പദവികള്‍ തീരുമാനിച്ചത്. അതില്‍ എതിര്‍പ്പുണ്ടാകേണ്ട കാര്യമില്ലെന്നും വി എം സുധീരന്‍ പത്തനംതിട്ടയില്‍ പ്രതികരിച്ചു.