കൊച്ചി കായലില്‍ വാട്ടര്‍ ബൈക്ക് മറിഞ്ഞ് ഒരാളെ കാണാതായി
Update: 2018-05-03 00:42 GMT
കൊച്ചി കായലില്‍ വാട്ടര്‍ ബൈക്ക് മറിഞ്ഞ് ഒരാളെ കാണാതായി. പാലക്കാട് സ്വദേശി ബിനീഷിനെയാണ് കാണാതായത്.
കൊച്ചി കായലില്‍ വാട്ടര്‍ ബൈക്ക് മറിഞ്ഞ് ഒരാളെ കാണാതായി. പാലക്കാട് സ്വദേശി ബിനീഷിന് വേണ്ടിയുള്ള തെരച്ചില്‍ തുടരുകയാണ്. രണ്ട് പേരെ രക്ഷപ്പെടുത്തി.
ഉച്ചക്ക് 12.15 നാണ് ബോള്‍ഗാട്ടി പാലസിന് പുറകുവശത്തുള്ള ഭാഗത്ത് വാട്ടര്‍ ബൈക്ക് മറിഞ്ഞത്. കണ്ണൂര്‍ സ്വദേശി ജോമോന്‍ ജോര്‍ജ്, സേലം സ്വദേശി ഗോവിന്ദരാജ് എന്നിവരെ അപ്പോള്‍ത്തന്നെ അപ്പോള്‍ത്തന്നെ രക്ഷപ്പെടുത്താന്‍ കഴിഞ്ഞു. എറണാകുളം ജനറല്‍ ആശുപത്രിയിലെത്തിച്ച ഇവരുടെ ആരോഗ്യ നില തൃപ്തികരമാണ്. നാവിക സേനയും ഫയര്‍ഫോഴ്സ്, മുങ്ങല്‍ വിദഗ്ധരുമാണ് രക്ഷാപ്രവര്‍ത്തനം നടത്തുന്നത്. അപകടം നടന്ന് രണ്ട് മണിക്കൂര്‍ കഴിഞ്ഞാണ് നാവിക സേനയുടെ സഹായം തേടിയത്.
സംസ്ഥാന സര്‍ക്കാരിന്റെ ഉള്‍നാടന്‍ ജലഗതാഗത വകുപ്പിന്റെയാണ് വാട്ടര്‍ ബൈക്ക്. ഭാമ എന്ന പരസ്യ ഏജന്‍സി വാടകക്കെടുത്തതാണ് ഈ വാട്ടര്‍ ബൈക്ക്. അറ്റകുറ്റപ്പണികള്‍ കഴിഞ്ഞ് കൊണ്ട് വന്ന വാട്ടര്‍ ബൈക്ക് പരിശോധനക്കായി ഓടിച്ചപ്പോഴാണ് അപകടം ഉണ്ടായിരിക്കുന്നത്. മൂവരും ഭാമ പരസ്യ ഏജന്‍സിയിലെ ജീവനക്കാരാണ്.