കുട്ടനാട്ടില്‍ ബിഡിജെഎസ് ദേശീയ സെക്രട്ടറി സുഭാഷ് വാസു എന്‍ഡിഎ സ്ഥാനാര്‍ഥി
Update: 2018-05-12 12:22 GMT
പ്രധാനമന്ത്രിയടക്കമുള്ള നേതൃനിരയെ രംഗത്തിറക്കി വരും ദിവസങ്ങളില്‍ പ്രചാരണം ഊര്‍ജിതമാക്കാനാണ് മുന്നണിയുടെ ശ്രമം.
ബിഡിജെഎസിന്റെ ദേശീയ സെക്രട്ടറി സുഭാഷ് വാസു മത്സരിക്കുന്ന കുട്ടനാട്ടില്‍ എന്‍ഡിഎ ശക്തമായ പ്രവര്‍ത്തനമാണ് നടത്തുന്നത്. പ്രധാനമന്ത്രിയടക്കമുള്ള നേതൃനിരയെ രംഗത്തിറക്കി വരും ദിവസങ്ങളില്‍ പ്രചാരണം ഊര്‍ജിതമാക്കാനാണ് മുന്നണിയുടെ ശ്രമം.
എസ്ഡിപി നേതൃത്വം തെരഞ്ഞെടുപ്പ് പ്രവര്‍ത്തനം കേന്ദ്രീകരിക്കുന്ന പ്രധാന മണ്ഡലമാണ് കുട്ടനാട്. മത്സരിക്കുന്ന മുപ്പത്തിയേഴ് സീറ്റില്‍ ബിഡിജെഎസ്
കുട്ടനാടിന്റെ കാര്യത്തില്‍ കാര്യമായ ശ്രദ്ധ പുലര്‍ത്തുകയാണ്. മണ്ഡലത്തിലെ വികസന പ്രശ്നങ്ങളെ എടുത്ത് പറഞ്ഞ് വീടുകള്‍ കയറിയിറങ്ങിയാണ് പ്രചാരണം. മുന്നണിയുടെ പ്രവര്‍ത്തനങ്ങള്‍ കൂടാതെ എസ്എന്‍ഡിപി ശാഖകള്‍, മൈക്രോ ഫിനാന്‍സ് ഗ്രൂപ്പുകള്‍ തുടങ്ങിയവയെ രംഗത്തിറക്കിക്കഴിഞ്ഞു. പ്രചാരണത്തിന്റെ അവസാന ഘട്ടത്തില്‍ പ്രധാന മന്ത്രിയെ കുട്ടനാട്ടിലെത്തിക്കാനുള്ള ശ്രമത്തിലാണ് മുന്നണി നേതൃത്വം.
എസ്എന്‍ഡിപി യോഗത്തിന്റെ വിവിധ സംരംഭങ്ങളുടെ നേതൃസ്ഥാനത്തുള്ള സുഭാഷ് വാസു യോഗം ജനറല്‍ സെക്രട്ടറി വെള്ളപ്പള്ളിയുമായി ഏറ്റവും അടുപ്പം പുലര്‍ത്തുന്നയാളാണ്. അതുകൊണ്ട് തന്നെ സുഭാഷ് വാസുവിന്റെ പെട്ടിയിൽ കൂടുതല്‍ വോട്ടെത്തിക്കുകയെന്നത് എസ്എന്‍ ഡിപിയുടെ അഭിമാന പ്രശ്നമാണ്. മികച്ച പ്രവര്‍ത്തനത്തിലൂടെ കുട്ടനാടിന്റെ മണ്ണില്‍ രാഷ്ട്രീയ കൃഷിക്കുള്ള വിത്ത് പാകലാണ് ബിഡിജെഎസ് ചെയ്യുന്നത്.