കോട്ടുമല ബാപ്പു മുസ്ലിയാരുടെ മൃതദേഹം ഖബറടക്കി
Update: 2018-05-18 15:33 GMT
കാളമ്പാടി ജുമമസ്ജിദ് ഖബര്‍സ്ഥാനിലാണ് ഖബറടക്കം നടന്നത്. ഔദ്യോഗിക ബഹുമതികളോടെയാണ് സംസ്കാരം നടന്നത്
സമസ്ത സെക്രട്ടറിയും ഹജ്ജ് കമ്മറ്റി ചെയര്‍മാനുമായ കോട്ടുമല ബാപ്പു മുസ്ലിയാരുടെ മൃതദേഹം മലപ്പുറം കാളന്പാടി ജുമാമസ്ജിദില്‍ ഖബറടക്കി.സംസ്ഥാന സര്‍ക്കാറിന്‍റെ ഔദേഗിക ബഹുമതിയോടെയായിരുന്നു സംസ്കാരം.
ഇന്നലെ ഉച്ചക്ക് അന്തരിച്ച കോട്ടുമല ബാപ്പു മുസ്ലിയാരുടെ മൃതദേഹം കാണുന്നതിനായി ആയിരങ്ങളാണ് കോട്ടുമല ഇസ്ലാമിക് ക്ലോംപ്ലക്സില്‍ എത്തിയത്. രാഷ്ട്രീയ , സാമൂഹ്യ, മത രംഗത്തെ നിരവധി പ്രമുഖര്‍ അന്തിമോപചാരം അര്‍പ്പിക്കനെത്തി. പതിനൊന്ന് മണിക്ക് ഔദ്യോഗിക ബഹുമതികളോടെ മൃതദേഹം സംസ്കരിച്ചു. ജനബാഹുല്യം മൂലം 42 തവണയാണ് മയ്യിത്ത് നമസ്കാരം നടന്നത്. അവസാനം നടന്ന നമസ്കാരത്തിന് ഹൈദറലി ശിഹാബ് തങ്ങള്‍ നേതൃത്വം നല്‍കി.