കോഴിക്കോട് കോര്‍പ്പറേഷനില്‍ മാലിന്യകൂമ്പാരം
Update: 2018-05-18 03:13 GMT
തദ്ദേശ സ്ഥാപനങ്ങളുടെ നേതൃത്വത്തില്‍ സംസ്ഥാനത്താകെ മഴക്കാല രോഗ പ്രതിരോധ പ്രവര്‍ത്തനങ്ങള്‍ നടക്കുമ്പോള്‍ ഒരു നഗരസഭ കാര്യാലയം തന്നെ മാലിന്യക്കൂമ്പാരത്തിന് നടുവിലാണ്
തദ്ദേശ സ്ഥാപനങ്ങളുടെ നേതൃത്വത്തില്‍ സംസ്ഥാനത്താകെ മഴക്കാല രോഗ പ്രതിരോധ പ്രവര്‍ത്തനങ്ങള്‍ നടക്കുമ്പോള്‍ ഒരു നഗരസഭ കാര്യാലയം തന്നെ മാലിന്യക്കൂമ്പാരത്തിന് നടുവിലാണ്. കോഴിക്കോട്ട് നഗരമധ്യത്തില്‍ സ്ഥിതി ചെയ്യുന്ന കോഴിക്കോട് കോര്‍പ്പറേഷന്‍ മന്ദിരത്തിന് സമീപം ചപ്പ് ചവറുകള്‍ കൂട്ടിയിട്ട നിലയിലാണ്.
കോര്‍പ്പറേഷന്‍ കെട്ടിടത്തിന്റെ മേല്‍ക്കൂര പൊളിച്ചിട്ട് മാസങ്ങളായി. മഴപെയ്തതോടെ ഒരു ഭാഗം വെള്ളത്തിലാണ്. ഫയലുകള്‍ പലതും നനഞ്ഞ് നശിച്ച് കൊണ്ടിരിക്കുന്നു.
കോര്‍പ്പറേഷന്‍ ഓഫീസിന്റെ പിന്‍ഭാഗത്തായി മാലിന്യ കൂമ്പാരമാണ്. പഴകിയ വാഹനങ്ങള്‍ തുരമ്പെടുത്ത് നശിച്ചിരിക്കുന്നു. രോഗാണുക്കളുടെ ഉറവിട കേന്ദ്രം കൂടിയായി ഇവിടം മാറിയിരിക്കുന്നു. നഗരത്തില്‍ അലഞ്ഞ് തിരിഞ്ഞ് നടക്കുന്ന കന്നുകാലികളെ പിടിച്ച് കൊണ്ട് വന്ന് പാര്‍പ്പിച്ചിരിക്കുന്നതും കോര്‍പ്പറേഷന്‍ ഓഫീസ് പരിസരത്താണ്.