ആര്‍.എസ്.എസിനെ അനുകൂലിച്ച കോതമംഗലം മെത്രാപ്പൊലീത്തയുടെ നടപടി വിവാദത്തില്‍
ക്രൈസ്തവരുടെ വിശ്വാസം സംരക്ഷിക്കാനും ക്ഷേമാശ്വര്യത്തിന് പ്രവര്‍ത്തിക്കാനും ബാധ്യതയുള്ള പുരോഹിതനാണ് മെത്രാപ്പൊലീത്ത കുര്യാക്കോസ് മാര്‍ യൌസോബിയസെന്ന് മുന്‍ എം.എല്‍.എ സാജുപോള്‍ പറഞ്ഞു
ആര്‍.എസ്.എസിന്റെ ജില്ലാ പഥസഞ്ചലനം ഉദ്ഘാടനം ചെയ്യാന്‍ യാക്കോബായ ബിഷപ് എത്തിയത് വിവാദമാവുന്നു. യാക്കോബയസഭ കോതമംഗലം മേഖല മെത്രാപ്പൊലീത്ത കുര്യാക്കോസ് മാര്‍ യൌസേബിയോസ് കോതമംഗലത്ത് നടന്ന ആര്‍.എസ്.എസിന്റെ പരിപാടിയിലെത്തിയതാണ് ചര്‍ച്ചയാവുന്നത്. മെത്രാപ്പൊലീത്ത ആത്മവിമര്‍ശനത്തിന് തയ്യാറാണമെന്നും ആര്‍.എസ്.എസിന്റെ പരിപാടിയില്‍ പങ്കെടുത്തത് ശരിയായില്ലെന്നും മുന്‍ എം.എല്‍.എ സാജുപോള്‍ മീഡിയവണിനോട് പറഞ്ഞു
ക്രൈസ്തവരുടെ വിശ്വാസം സംരക്ഷിക്കാനും ക്ഷേമാശ്വര്യത്തിന് പ്രവര്‍ത്തിക്കാനും ബാധ്യതയുള്ള പുരോഹിതനാണ് മെത്രാപ്പൊലീത്ത കുര്യാക്കോസ് മാര്‍ യൌസോബിയസെന്ന് മുന്‍ എം.എല്‍.എ സാജുപോള്‍ പറഞ്ഞു. മെത്രാപ്പൊലീത്ത ഉദ്ഘാടന ചടങ്ങില്‍ പങ്കെടുക്കുക മാത്രമല്ല ആര്‍.എസ്.എസിനെ അനുകൂലിച്ച് സംസാരിക്കുകയും ചെയ്തു. മെത്രാപ്പൊലീത്തയുടെ നടപടി സാമൂഹിക മാധ്യമങ്ങളിലും ചര്‍ച്ചയായിട്ടുണ്ട്. എന്നാല്‍ വിവാദം സംബന്ധിച്ച് ഒദ്യോഗിക വിശദീകരണം നല്‍കാന്‍ സഭ തയ്യാറായിട്ടില്ല.