പ്ലസ്‍വണ്‍ പ്രവേശം: ആദ്യ അലോട്ട്മെന്റ് പ്രസിദ്ധീകരിച്ചു

പ്ലസ്‍വണ്‍ പ്രവേശത്തിനുള്ള ആദ്യ അലോട്ട്മെന്റ് പ്രസിദ്ധീകരിച്ചു. മൊത്തം 511080 അപേക്ഷകളാണ് ലഭിച്ചത്.

സംസ്ഥാനത്തെ പ്ലസ്‍വണ്‍ പ്രവേശത്തിനുള്ള ആദ്യ അലോട്ട്മെന്റ് പട്ടിക ഹയര്‍ സെക്കണ്ടറി ഡയറക്ടറേറ്റ് പ്രസിദ്ധീകരിച്ചു. പട്ടിക പ്രകാരമുള്ള വിദ്യാര്‍ഥിപ്രവേശത്തിന് ഈ മാസം 22 വൈകീട്ട് അഞ്ച് വരെയാണ് സമയം. മന്ത്രിസഭ തീരുമാനപ്രകാരം വര്‍ധിപ്പിച്ച 20 ശതമാനം സീറ്റുകളിലേക്ക് ഉള്‍പ്പെടെയാണ് പ്രവേശം നടത്തുന്നത്.

മൊത്തം 5,11,080 അപേക്ഷകളാണ് ലഭിച്ചത്. ഇതില്‍ 238491 പേര്‍ ആദ്യ പട്ടികയില്‍ ഇടംപിടിച്ചു. 2,80,000 സീറ്റുകളിലേക്കാണ് ആദ്യ അലോട്ട്മെന്റില്‍ പ്രവേശം നടത്തുക. സ്പോര്‍ട്സ് ക്വാട്ട രണ്ടാം അലോട്ട്മെന്റ് ഫലം 21ന് പ്രസിദ്ധീകരിക്കും. ജൂണ്‍ മുപ്പതിന് പ്ലസ് വണ്‍ ക്ലാസുകള്‍ ആരംഭിക്കും. അലോട്ട്മെന്റ് ലിസ്റ്റ് www.hscap.kerala.gov.in എന്ന വെബ്‍സൈറ്റില്‍ നിന്നു ലഭിക്കും.