കോട്ടക്കല്‍ ആയുര്‍വേദ ആശുപത്രി ജീവനക്കാരുടെ അക്കൌണ്ടില്‍ ഉടമകളറിയാതെ കോടികളുടെ നിക്ഷേപം
മലപ്പുറം കോട്ടക്കൽ ആയുർവ്വേദ ആശുപത്രിയിൽ ജോലി ചെയ്യുന്ന 22 പേരുടെ എസ് ബി ഐ ശമ്പള അക്കൗണ്ടിലാണ് അവരറിയാതെ വൻ തുക എത്തിയത്.
Update: 2018-07-02 08:10 GMT
മലപ്പുറം കോട്ടക്കൽ ആയുർവ്വേദ ആശുപത്രിയിൽ ജോലി ചെയ്യുന്ന 22 പേരുടെ ബാങ്ക് അക്കൗണ്ടിൽ കോടികളുടെ നിക്ഷേപമെത്തി. എസ് ബി ഐ യുടെ ശമ്പള അക്കൗണ്ടിലാണ് ഉടമകൾ അറിയാതെ വൻ തുക എത്തിയത്. ഓരോ അക്കൌണ്ടിലും 90 ലക്ഷം മുതല്‍ ഒരു കോടി വരെയുള്ള തുകകളാണ് പലരുടേയും അക്കൌണ്ടിലെത്തിയിട്ടുള്ളത്. വിവരമറിഞ്ഞതോടെ അക്കൗണ്ടുകൾ എസ് ബി ഐ മരവിപ്പിച്ചു.
കെവൈസി ക്രമീകരിക്കുന്നതിന്റെ ഭാഗമായുള്ള നടപടിയാണെന്നാണ് ബാങ്ക് നല്‍കുന്ന വിശദീകരണം. എന്നാല്‍ ചിലരോട് ഇനിയും അധാറും ബാങ്ക് അക്കൌണ്ടും തമ്മില്‍ ലിങ്ക് ചെയ്യാത്തതുകൊണ്ട് നിങ്ങളെ ബാങ്കിലെത്തിക്കാന്‍ വേണ്ടി ചെയ്തതാണെന്ന മറുപടിയും ബാങ്ക് നല്‍കിയിട്ടുണ്ട്. എന്നാല്‍ ബാങ്കിന്റെ വിശദീകരണത്തില്‍ ഇനിയും വ്യക്തത വന്നിട്ടില്ല.