പത്തനംതിട്ടയിൽ‍ മത്സ്യമാർക്കറ്റിൽ തീപിടിത്തം

പത്തനംതിട്ട: കുളനട മത്സ്യമാർക്കറ്റിൽ തീപിടിത്തം. കുളനട പഞ്ചായത്തിലെ ഹരിത കർമസേന ശേഖരിച്ച മാലിന്യങ്ങൾ കൂട്ടിയിട്ട മത്സ്യ മാർക്കറ്റിലെ കെട്ടിടത്തിലാണ് തീപിടിത്തമുണ്ടായത്.

അടൂർ, ചെങ്ങന്നൂർ, പത്തനംതിട്ട തുടങ്ങിയ ഫയർ ആൻഡ് റെസ്ക്യൂ സ്റ്റേഷനുകളിൽ നിന്നും രണ്ട് യൂണിറ്റുകൾ വീതം എത്തിയാണ് തീ നിയന്ത്രണ വിധേയമാക്കിയത്.

മാലിന്യങ്ങൾ സൂക്ഷിച്ചിരുന്ന പഞ്ചായത്ത് കെട്ടിടം തീപിടിത്തത്തിൽ ഭാഗികമായി കത്തിനശിച്ചതായി ഫയർ ഫോഴ്സ് ഉദ്യോഗസ്ഥർ പറഞ്ഞു.