തോമസ് ഐസകിന് വീണ്ടും ഇ ഡി നോട്ടീസ്

 തോമസ് ഐസകിന് വീണ്ടും ഇ ഡി നോട്ടീസ്. കിഫ്‌ബിയുമായി ബന്ധപ്പെട്ട കേസിലാണ് ഇ.ഡി ഐസക്കിനെ ചോദ്യം ചെയ്യാൻ വിളിപ്പിച്ചിരിക്കുന്നത്. ഈ മാസം 11ന് കൊച്ചി ഓഫീസിൽ ഹാജരാക്കണമെന്ന് ഇ.ഡി ഐസക്കിനോട് ആവശ്യപ്പെട്ടു. ആദ്യ തവണ നോട്ടീസ് നല്‍കിയപ്പോള്‍ അദ്ദേഹം ഹാജരായിരുന്നില്ല.

കിഫ്ബി സി.ഇ.ഒ ആയിരുന്ന കെ എം എബ്രഹാമിനെ നേരെത്തെ ഇ ഡി ചോദ്യം ചെയ്തിരുന്നു. ധനമന്ത്രിയായിരുന്ന ഐസക് കിഫ്ബി വൈസ് ചെയർമാനായിരുന്നു. കിഫ്ബിക്ക് വിദേശത്ത് നിന്ന് നിക്ഷേപം സ്വീകരിച്ചത് കേന്ദ്ര സർക്കാരിനെ അറിയിച്ചില്ലെന്നും മാനദണ്ഡങ്ങൾ പാലിച്ചില്ലെന്നുമാണ് ആരോപണം.  ഇഡിയുടെ ഇടപെടൽ രാഷ്ട്രീയ ലക്ഷ്യത്തോടെയാണെന്നായിരുന്നു ആദ്യം നോട്ടീസ് അയച്ചപ്പോളുള്ള തോമസ് ഐസകിന്‍റെ പ്രതികരണം.