സിപിഎം സംസ്ഥാനസമിതി യോഗം ഇന്ന് മുതൽ: ജനകീയ പ്രതിരോധ ജാഥ അവലോകനം ചെയ്യും

തിരുവനന്തപുരം: സംസ്ഥാന സെക്രട്ടറി എം വി ഗോവിന്ദൻ നയിച്ച ജനകീയ പ്രതിരോധ യാത്രയുടെ അവലോകനത്തിന് സിപിഎം സംസ്ഥാന സമിതി യോഗം ഇന്നു ആരംഭിക്കും. യാത്ര വൻവിജയമായെന്ന് സിപിഎം സംസ്ഥാന സെക്രട്ടേറിയറ്റ് വിലയിരുത്തിയിരുന്നു. എറണാകുളം സംസ്ഥാന സമ്മേളനം അംഗീകരിച്ച സംഘടനാ രേഖയിലെ ലക്ഷ്യങ്ങൾ എത്രത്തോളം നടപ്പായെന്ന അവലോകനവും സംസ്ഥാന സമിതി യോഗത്തിൽ ഉണ്ടാകും.

പാർട്ടിയുടെ സ്വാധീനം വർദ്ധിപ്പിക്കാൻ കൂടുതൽ മുഴുവൻ സമയ കേഡർമാരെ വളർത്തിയെടുക്കുകയും കൂടുതൽ ജനവിഭാഗങ്ങളിലേക്ക് പാർട്ടി പ്രവർത്തനം വ്യാപിപ്പിക്കുകയും ചെയ്യണമെന്ന നിർദ്ദേശമായിരുന്നു സംഘടനാ രേഖയിൽ ഉണ്ടായിരുന്നത്.

രാഹുൽ രാഹുൽ ഗാന്ധിക്ക് എതിരായ കേന്ദ്ര നടപടിയും അതിനെ തുടർന്നുണ്ടായ രാഷ്ട്രീയ സാഹചര്യങ്ങളും സംസ്ഥാന സമിതി യോഗം വിലയിരുത്തും. സംസ്ഥാന സമിതി യോഗം നാളെ അവസാനിക്കും.