പാമ്പ് കടിച്ചത് അറിഞ്ഞില്ല; പാലക്കാട് എട്ടുവയസ്സുകാരിക്ക് ദാരുണാന്ത്യം

പാലക്കാട്: പാമ്പ് കടിയേറ്റ് എട്ടുവയസ്സുകാരിക്ക് ദാരുണാന്ത്യം. പാലക്കാട് കൊഴിഞ്ഞാമ്പാറ വണ്ണാമട മൂലക്കടയിൽ അസ്ബിയ ഫാത്തിമ ആണ് മരിച്ചത്. മുത്തശ്ശിയുടെ കൂടെ ഉറങ്ങാൻ കിടന്നപ്പോഴാണ് സംഭവം. മുഹമ്മദ് ജുബീറലി- സബിയ ബീഗം ദമ്പതികളുടെ മകളാണ് അസ്ബിയ ഫാത്തിമ.

പാമ്പുകടിയേറ്റ മുത്തശ്ശിയെ ചികിത്സക്കായി ആശുപത്രിയിൽ എത്തിച്ചു. ഇതിനിടെ അസ്ബിയ കുഴഞ്ഞുവീഴുകയായിരുന്നു. തുടർന്ന് നടത്തിയ പരിശോധനയിലാണ് പാമ്പുകടിയേറ്റ വിവരം അറിഞ്ഞത്.