പാലക്കാട് നാട്ടാനയെ കാട്ടാനക്കൂട്ടം ആക്രമിച്ചു: പിരിഞ്ഞുപോയത് പടക്കം പൊട്ടിച്ച ശേഷം

പാലക്കാട്: ശിരുവാണിയിൽ നാട്ടാനയെ കാട്ടനക്കൂട്ടം ആക്രമിച്ചു. തടിപിടിക്കാനായി കൊണ്ടുവന്ന ആനയെയാണ് കാട്ടാനകൾ കുത്തിപ്പരിക്കേൽപ്പിച്ചത്.

ആനയെ ചങ്ങലകൊണ്ട് ബന്ധിച്ച് മരത്തിൽ കെട്ടിയിട്ടിരിക്കുകയായിരുന്നു. സമീപത്ത് ഉറങ്ങുകയായിരുന്ന പാപ്പാൻമാർ ആനയുടെ അലറൽ കേട്ടാണ് ഉണർന്നത്. ആ സമയം മൂന്ന് കാട്ടാനകൾ ആനയെ ആക്രമിക്കുകയായിരുന്നു. പിന്നീട് പടക്കം പൊട്ടിച്ച ശേഷമാണ് കാട്ടാനക്കൂട്ടം പിരിഞ്ഞുപോയത്. ആനയ്ക്ക് ഗുരുതരമായി പരിക്കേറ്റിട്ടുണ്ട്.