വിദ്യാർഥി സംഘർഷം: മഹാരാജാസ് കോളേജ് അടച്ചു

വിദ്യാർഥി സംഘർഷത്തെ തുടർന്ന് എറണാകുളം മഹാരാജാസ് കോളേജ് അടച്ചു. സംഘർഷ സാഹചര്യത്തിൽ അനിശ്ചിത കാലത്തേക്ക് കോളജ് അടച്ചിടാൻ തീരുമാനിച്ചുവെന്ന് മഹാരാജാസ് പ്രിൻസിപ്പൽ വി.എസ്. ജോയി അറിയിച്ചു.

സംസ്‌കൃത സർവ്വകലാശാല വൈസ് ചാൻസിലർ ഡോ. എം.വി. നാരായണനും ബാലചന്ദ്രൻ ചുള്ളിക്കാടിനും നൽകാനിരുന്ന സ്വീകരണം തത്കാലം മാറ്റിവച്ചതായി മഹാരാജാസ് ഓൾഡ് സ്റ്റുഡന്റസ് അസോസിയേഷൻ പ്രസിഡന്റ് സി ഐ സി സി ജയചന്ദ്രൻ അറിയിച്ചു. ഓൾഡ് സ്റ്റുഡന്റസ് അസോസിയേഷനും ഇംഗ്ലീഷ് വിഭാഗവും ചേർന്നായിരുന്നു സ്വീകരണ പരിപാടി ഒരുക്കിയിരുന്നത്.