രവീന്ദ്രൻ പട്ടയം റദ്ദാക്കിയതിലെ തുടർ നടപടികൾ ഹൈക്കോടതി തടഞ്ഞു

രവീന്ദ്രൻ പട്ടയം റദ്ദാക്കിയതിലെ തുടർ നടപടികൾ ഹൈക്കോടതി മാർച്ച് എട്ടുവരെ തടഞ്ഞു. കഞ്ഞിക്കുഴി സ്വദേശി ശിവൻ നൽകിയ ഹരജിയിലാണ് ഇടക്കാല ഉത്തരവ്. ഏകപക്ഷീയമായി് പട്ടയം റദ്ദാക്കുകയായിരുന്നുവെന്ന് ആരോപിച്ചായിരുന്നു ഹരജി.

അതേസമയം ആവശ്യമായ അന്വേഷണങ്ങൾ തുടരാൻ അനുമതിയുണ്ട്. പക്ഷെ അന്തിമ തീരുമാനം കോടതിയുടെ ഉത്തരവിന് വിധേയമായിരിക്കുമെന്നും ഇടക്കാല ഉത്തരവില് പറയുന്നു. സർക്കാരിന്റെ വിശദീകരണം തേടിയ കോടതി ഹർജി മാർച്ച് എട്ടിന് വീണ്ടും പരിഗണിക്കാനായി മാറ്റിയിരിക്കുകയാണ്.