'മുഈനലി തങ്ങൾ വലിഞ്ഞുകയറി ചെന്നതല്ല' ഹൈദരലി തങ്ങളുടെ കത്ത് പങ്കുവെച്ച് കെ.ടി ജലീല്‍

'ചന്ദ്രിക'യുടെ ബാധ്യതകളുമായി ബന്ധപ്പെട്ട് ഇന്നലെ നടന്ന പത്രസമ്മേളനത്തിൽ സയ്യിദ് മുഈനലി തങ്ങൾ വലിഞ്ഞുകയറി ചെന്നതല്ലെന്ന് കെ.ടി ജലീല്‍. മുഈനലിയുടേത് ഹൈദരലി തങ്ങളുടെ ശാസന മറികടന്നുള്ള അഭിപ്രായപ്രകടനമാണെന്ന മുസ്‌ലിം ലീഗ് സംസ്ഥാന ജനറല്‍ സെക്രട്ടറി പി.എം.എ സലാമിന്‍റെ പ്രസാതാവനയെ തള്ളിക്കൊണ്ടായിരുന്നു ജലീലിന്‍റെ പ്രതികരണം. മുഈനലി തങ്ങള്‍ക്ക് ചന്ദ്രികയുടെ ചുമതല നല്‍കിക്കൊണ്ടുള്ള മുസ്‌ലിം ലീഗ് സംസ്ഥാന പ്രസിഡന്‍റ് പാണക്കാട് സയ്യിദ് ഹൈദരലി ശിഹാബ് തങ്ങളുടെ കത്ത് പങ്കുവെച്ചുകൊണ്ടായിരുന്നു കെ.ടി ജലീലിന്‍റെ ഫേസ്ബുക് കുറിപ്പ്.

മുഈനലി തങ്ങള്‍ക്കെതിരെ തെറിയഭിഷേകം നടത്തിയ കുഞ്ഞാലിക്കുട്ടിയുടെ സന്തതസഹചാരിയായ ഗുണ്ടക്കെതിരെ ലീഗ് നേതാക്കള്‍ ഇതുവരെ പ്രതികരിച്ചിട്ടില്ലെന്നും ജലീല്‍ വിമര്‍ശിച്ചു. ഈ സാഹചര്യത്തിൽ ആശുപത്രിയിൽ ചികിൽസയിൽ കഴിയുന്ന ഹൈദരലി ശിഹാബ് തങ്ങൾക്കും മകൻ മുഈനലി തങ്ങൾക്കും സർക്കാർ സംരക്ഷണമൊരുക്കണമെന്നും ജലീല്‍ ആവശ്യപ്പെട്ടു.

'ച​ന്ദ്രി​ക' പ​ത്ര​ത്തി​ൻെറ അ​ക്കൗ​ണ്ടി​ലൂ​ടെ ക​ള്ള​പ്പ​ണം വെ​ളു​പ്പി​ച്ചെ​ന്ന കേ​സി​ല്‍ പാ​ണ​ക്കാ​ട് ഹൈ​ദ​ര​ലി ശി​ഹാ​ബ് ത​ങ്ങ​ളെ​യ​ല്ല പി.​കെ. കു​ഞ്ഞാ​ലി​ക്കു​ട്ടി​യെ​യാ​ണ് ഇ.ഡി ചോ​ദ്യം ചെ​യ്യേ​ണ്ട​തെ​ന്ന് കെ.​ടി. ജ​ലീ​ല്‍ കഴിഞ്ഞ ദിവസം പറഞ്ഞിരുന്നു. ആ​രോ​ഗ്യം മോ​ശ​മാ​യി ചി​കി​ത്സ​യി​ലു​ള്ള പാ​ണ​ക്കാ​ട് ത​ങ്ങ​ളെ ചോ​ദ്യം​ചെ​യ്യാ​ൻ അ​യ​ച്ച നോ​ട്ടീ​സ് ഇ.​ഡി പി​ന്‍വ​ലി​ച്ച്​ കു​ഞ്ഞാ​ലി​ക്കു​ട്ടി​യെ​ ചോ​ദ്യം ചെ​യ്യ​ണം. യ​ഥാ​ര്‍ഥ കു​റ്റ​വാ​ളി കു​ഞ്ഞാ​ലി​ക്കു​ട്ടി​യാ​ണെ​ന്ന് ഇ.​ഡി​ക്കും അ​റി​യാം. ആ ​കു​റ്റ​വാ​ളി ര​ക്ഷ​പ്പെ​ട​രു​തെ​ന്നും ജ​ലീ​ല്‍ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. പാ​ണ​ക്കാ​ട് കു​ടും​ബ​ത്തെ​യും ഹൈ​ദ​ര​ലി ശി​ഹാ​ബ് ത​ങ്ങ​ളെ​യും വ​ഞ്ചി​ക്കാ​നും ച​തി​ക്കാ​നു​മാ​ണ് കു​ഞ്ഞാ​ലി​ക്കു​ട്ടി ശ്ര​മി​ച്ച​തെന്നും ജലീല്‍ ആരേeപിച്ചിരുന്നു.

Full View

കെ.ടി ജലീലിന്‍റെ ഫേസ്ബുക് പോസ്റ്റിന്‍റെ പൂര്‍ണരൂപം

പാണക്കാട് സയ്യിദ് ഹൈദരലി ശിഹാബ് തങ്ങൾ ചന്ദ്രികയിലെ പ്രശ്നങ്ങൾ തീർക്കാൻ മകൻ മുഈനലിയെ ഏൽപിച്ചതായി സ്വന്തം കൈപ്പടയിൽ എഴുതിയ കത്തിന്‍റെ കോപ്പിയാണ് ഇമേജായി നൽകിയിരിക്കുന്നത്. ഇന്നലെ കോഴിക്കോട് ലീഗാഫീസിൽ ചന്ദ്രികയുടെ ബാധ്യതകളുമായി ബന്ധപ്പെട്ട കാര്യങ്ങൾ വിശദീകരിക്കാൻ വിളിച്ചു ചേർത്ത പത്രസമ്മേളനത്തിൽ വലിഞ്ഞുകയറി ചെന്നതല്ല സയ്യിദ് മുഈനലി തങ്ങൾ എന്ന് വ്യക്തമാക്കുന്ന രേഖയാണ് ഇത്. മുസ്ലിംലീഗ് സംസ്ഥാന ജനറൽ സെക്രട്ടറി ഇന്നലെ വൈകുന്നേരം മാധ്യമങ്ങൾക്ക് നൽകിയ വാർത്താകുറിപ്പിൽ പറഞ്ഞത് ആരും ഉത്തരവാദിത്തം ഏൽപിക്കാതെയാണ് മുഈനലി തങ്ങൾ വാർത്താസമ്മേളനത്തിൽ പങ്കെടുത്തത് എന്നാണ്. മുഈനലി തങ്ങളെ കേട്ടാൽ അറപ്പുളവാക്കുന്ന തെറിയഭിഷേകം നടത്തിയ കുഞ്ഞാലിക്കുട്ടിയുടെ സന്തതസഹചാരിയായ ഗുണ്ടക്കെതിരെ ഒരു ലീഗ് നേതാവും ഇതുവരെ ഒരക്ഷരം ഉരിയാടിയതായി കണ്ടില്ല. ഈ സാഹചര്യത്തിൽ ചികിൽസയിൽ കഴിയുന്ന സമാദരണീയനായ പാണക്കാട് സയ്യിദ് ഹൈദരലി ശിഹാബ് തങ്ങൾക്കും അദ്ദേഹത്തെ പരിചരിക്കുന്ന മകൻ മുഈനലി തങ്ങൾ ഉൾപ്പടെയുള്ള കുടുംബാംഗങ്ങൾക്കും ആവശ്യമായ സംരക്ഷണം സർക്കാർ ഒരുക്കണം.