കുട്ടനാട്ടിൽ വീണ്ടും മടവീഴ്ച, വൻ കൃഷിനാശം

ആലപ്പുഴ: കുട്ടനാട്ടിൽ വീണ്ടും മടവീഴ്ച. ചമ്പക്കുളത്താണ് രണ്ട് പാടങ്ങളിലായി ഇന്ന് മട വീണത്. ഇതോടെ രണ്ടു ദിവസങ്ങളായി കുട്ടനാട്ടിൽ നാല് പാടങ്ങളിലാണ് മടവീഴ്ച ഉണ്ടായത്.

ചമ്പക്കുളത്തെ 250 ഏക്കറുള്ള ചക്കങ്കരി അറുനൂറ് പാടത്താണ് ആദ്യം മടവീണത്. മൂലമ്പള്ളിക്കാട്-കരികാച്ചാട് പാടശേഖരത്തും മടവീണു. ചക്കങ്കരി അറുനൂറ് പാടത്തുണ്ടായ മടവീഴ്ചയിൽ പാടത്തിന്റെ പുറം ബണ്ടിൽ താമസിക്കുന്നു മുപ്പത്തഞ്ചിൽ ചിറ ജയന്റെ വീട് തകർന്നു. കഴിഞ്ഞ ദിവസം മടവീണ ചെമ്പടി-ചക്കങ്കരി പാടത്തിന്റെ സമീപത്തുള്ള പാടശേഖരമാണ് ഇത്.

ചമ്പക്കുളത്ത് മട വീണ മൂലമ്പള്ളിക്കാട്-കരികാച്ചാട് 160 ഏക്കർ കൃഷി നശിച്ചു. കിഴക്കൻ വെള്ളത്തിന്റെ ശക്തമായ ഒഴുക്കിലാണ് മട വീഴ്ച തുടരുന്നത്.