തിരുവനന്തപുരം ശ്രീകാര്യത്ത് കൊലക്കേസ് പ്രതിക്ക് വെട്ടേറ്റു

തിരുവനന്തപുരം: ശ്രീകാര്യത്ത് കൊലക്കേസില്‍ ജാമ്യത്തിലിറങ്ങിയ പ്രതിക്ക് വെട്ടേറ്റു. പൗഡികോണത്ത് കുറ്റ്യാണി സ്വദേശി ജോയിക്കാണ് ആക്രമണത്തില്‍ പരിക്കേറ്റത്. ഇന്നലെ രാത്രി ഒൻപത് മണിയോടെയായിരുന്നു സംഭവം.

കാറിലെത്തിയ മൂന്നംഗസംഘമാണ് ആക്രമണം നടത്തിയത്. ഗുരുതരമായി പരിക്കേറ്റ ജോയ് തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്.

പൗഡിക്കോണം വിഷ്ണുനഗറിൽ വാടകയ്ക്ക് താമസിക്കുന്ന ജോയി രണ്ടുദിവസം മുന്‍പാണു ജയിൽമോചിതനായത്. പ്രതികൾക്കായി ശ്രീകാര്യം പൊലീസ് അന്വേഷണം തുടങ്ങി.

Summary: Murder case accused hacked in Thiruvananthapuram's Sreekaryam