ഹരിദാസിന്റെ കൊലപാതകത്തിന് കാരണം ആർ.എസ്.എസിന് മത്സ്യത്തൊഴിലാളികളോടുള്ള പക: എം.വി ജയരാജൻ

തലശ്ശേരിയിൽ സി.പി.എം പ്രവർത്തകനായ ഹരാദസനെ വെട്ടിക്കൊലപ്പെടുത്താൻ കാരണം ഉത്സവപ്പറമ്പിലെ തർക്കമല്ലെന്ന് സി.പി.എം ജില്ലാ സെക്രട്ടറി എം.വി ജയരാജൻ. ആർ.എസ്.എസിന് മത്സ്യത്തൊഴിലാളികളോടുള്ള പകയാണ് കൊലപാതകത്തിന് കാരണം. ആർ.എസ്.എസ് വിഭാവനം ചെയ്യുന്ന സവർണ ഹിന്ദു രാജ്യത്തിൽ മത്സ്യത്തൊഴിലാളികൾക്ക് സ്ഥാനമില്ലെന്നും ജയരാജൻ ആരോപിച്ചു.

അതിനിടെ ഹരിദാസിന്റെ കൊലപാതകവുമായി ബന്ധപ്പെട്ട് നാല് ആർ.എസ്.എസ് പ്രവർത്തകരെ അറസ്റ്റ് ചെയ്തു. ഗൂഢാലോചനയിൽ പങ്കെടുത്തവരാണ് അറസ്റ്റിലായത്. വിമിൻ, അമൽമനോഹരൻ, സുമേഷ്, ലിജേഷ് എന്നിവരാണ് അറസ്റ്റിലായത്. ബി ജെ പി മണ്ഡലം പ്രസിഡണ്ടാണ് അറസ്റ്റിലായ ലിജേഷ്.

ഇന്നലെ കസ്റ്റഡിയിലെടുത്ത ഏഴ് പേരിൽ നാലു പേരുടെ അറസ്റ്റാണ് രേഖപ്പെടുത്തയാത്. എന്നാൽ കൃത്യത്തിൽ നേരിട്ട് പങ്കെടുത്തവരെ ആരെയും ഇതുവരെ അറസ്റ്റ് ചെയ്തിട്ടില്ല.