വാടിക്കൽ രാമകൃഷ്ണൻ വധക്കേസിലെ ഒന്നാം പ്രതി പിണറായിക്ക് വരാമെങ്കിൽ എനിക്കും പുതുപ്പള്ളിയിൽ വരാം: നിഖിൽ പൈലി
കൊലക്കേസ് പ്രതികൾക്ക് തെരഞ്ഞെടുപ്പ് പ്രവർത്തനങ്ങളിൽ ഏർപ്പെടാൻ പാടില്ലെങ്കിൽ പിണറായി വിജയനെയും എം.എം മണിയെയും പി. ജയരാജനെയും വീട്ടിലിരുത്തണമെന്നും നിഖിൽ പൈലി പറഞ്ഞു.
Update: 2023-08-31 14:58 GMT
കോട്ടയം: പുതുപ്പള്ളിയിൽ ചാണ്ടി ഉമ്മന് വേണ്ടി തെരഞ്ഞെടുപ്പ് പ്രചാരണത്തിനിറങ്ങിയതിനെ ന്യായീകരിച്ച് ധീരജ് വധക്കേസ് പ്രതി നിഖിൽ പൈലി. വാടിക്കൽ രാമകൃഷ്ണൻ വധക്കേസിലെ ഒന്നാം പ്രതിയായ പിണറായി വിജയന് ജെയ്ക് സി തോമസിന് വേണ്ടി തെരഞ്ഞെടുപ്പ് കൺവെൻഷന് വരാമെങ്കിൽ തനിക്കും പങ്കെടുക്കാമെന്ന് നിഖിൽ പൈലി ഫേസ്ബുക്ക് പോസ്റ്റിൽ പറഞ്ഞു.
കൊലക്കേസ് പ്രതികൾക്ക് തെരഞ്ഞെടുപ്പ് പ്രവർത്തനങ്ങളിൽ ഏർപ്പെടാൻ പാടില്ലെങ്കിൽ പിണറായി വിജയനെയും എം.എം മണിയെയും പി. ജയരാജനെയും വീട്ടിലിരുത്തണം. അതിന് ശേഷം കോൺഗ്രസിനെ ഉപദേശിച്ചാൽ മതിയെന്നും അദ്ദേഹം പറഞ്ഞു. വാടിക്കൽ രാമകൃഷ്ണൻ വധക്കേസിന്റെ പ്രതിപ്പട്ടിയും ഫേസ്ബുക്കിൽ പോസ്റ്റ് ചെയ്തിട്ടുണ്ട്.