മലപ്പുറത്ത് മലയിൽ കുടുങ്ങിയവരെ കണ്ടെത്തി; താഴെ എത്തിക്കാനുള്ള ശ്രമം തുടരുന്നു

മലപ്പുറം: കരുവാരക്കുണ്ടിൽ കേരള കുണ്ട് വെള്ളച്ചാട്ടത്തിന് മുകളിൽ മലയിൽ കുടുങ്ങിയ രണ്ട് പേരെയും കണ്ടെത്തി. കരുവാരക്കുണ്ട് സ്വദേശികളായ യാസീം, അഞ്ജൽ എന്നിവരെയാണ് കണ്ടെത്തിയത്. ഇവരെ താഴെ എത്തിക്കാനുള്ള ശ്രമം പുരോഗമിക്കുകയാണ്.

വെള്ളച്ചാട്ടത്തിന് മുകൾഭാഗത്തുള്ള കൂമ്പൻ മല കാണാനാണ് യാസീം, അഞ്ജൽ  ഷംനാസും കയറിയത്. വൈകുന്നേരത്തെ ശക്തമായ മഴയിൽ ചോലകൾ നിറഞ്ഞതോടെയാണ് സംഘത്തിന് വഴിതെറ്റുകയായിരുന്നു. എന്നാല്‍ രണ്ട് പേരെ കാണാനില്ലെന്ന് പറഞ്ഞ് വൈകീട്ട് ആറ് മണിയോടെ ഷംനാസ് താഴെയെത്തി നാട്ടുകാരോട് പറയുകയായിരുന്നു. തുടർന്ന്, നാട്ടുകാർ പൊലീസിനെയും ഫയർഫോഴ്‌സിനെയും വിവരമറിയിച്ചു. അഗ്നിശമന സേനയും പൊലീസും സംഭവ സ്ഥലത്ത് നടത്തിയ തെരച്ചിലിനൊടുവില്‍ രാത്രിയോടെ യാസിമിനെയും അഞ്ജലിനെയും കണ്ടെത്തുകയായിരുന്നു.