വയനാട് കാറും ലോറിയും കൂട്ടിയിടിച്ച് അപകടം; രണ്ടു പേര്‍ മരിച്ചു

വയനാട്: വയനാട് പനമരത്ത് ഇന്നോവ കാറും ടിപ്പർ ലോറിയും കൂട്ടിയിടിച്ച് രണ്ട് പേർ മരിച്ചു. കണ്ണൂർ മാട്ടൂൽ സ്വദേശികളായ അഫ്രീദ്, മുനവർ എന്നിവരാണ് മരിച്ചത്. ഇവരോടൊപ്പം കാറിൽ ഉണ്ടായിരുന്ന ഒരാളെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു.

പനമരം പച്ചിലക്കാടിലാണ് ഇന്ന് രാവിലെ പത്തരയോടെ അപകടമുണ്ടായത്. മുമ്പിലുണ്ടായിരുന്ന വാഹനത്തെ മറികടക്കാൻ ശ്രമിക്കുന്നതിനിടെ എതിരെ വന്ന ടിപ്പർ ലോറിയിൽ കാർ ഇടിക്കുകയായിരുന്നു. വാഹനത്തിൻ്റെ മുൻ സീറ്റിൽ ഉണ്ടായിരുന്ന കണ്ണൂർ മാട്ടൂൽ സ്വദേശികളായ അഫ്രീദ്, മുനവർ എന്നിവർ സംഭവ സ്ഥലത്തു വെച്ചു തന്നെ മരിച്ചു. കാറിൽ ഉണ്ടായിരുന്ന മുനവർ എന്നയാൾക്കും സാരമായ പരിക്കുണ്ട്. അപകടത്തിൽ ഇന്നോവ പൂർണമായി തകർന്നു. വാഹനം വെട്ടിപ്പൊളിച്ചാണ് രണ്ടുപേരുടെയും മൃതദേഹം അഗ്നിശമന സേന പുറത്തെടുത്തത്. കൽപറ്റ ജനറൽ സൂക്ഷിച്ചിട്ടുള്ള മൃതദ്ദേഹങ്ങൾ പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ട് നൽകുംFull View