ജോലി വൈകില്ല; മീഡിയവൺ കരിയർ കണക്ട് നവംബർ 10ന്
കോഴിക്കോട് നടക്കുന്ന ഏറ്റവും വലിയ എച്ച്ആർ ഏജൻസീസ്-അബ്രോഡ് ജോബ് ഫെയർ
Update: 2024-10-04 10:50 GMT
ഉദ്യോഗാർഥികൾക്ക് വിദേശ തൊഴിലവസരങ്ങൾ ഒരുക്കി മീഡിയാവൺ കരിയർ കണക്ട് 2024 തൊഴിൽ മേളയ്ക്ക് നവംബർ 10ന് കോഴിക്കോട് തുടക്കമാകും. കോഴിക്കോട് നടക്കുന്ന ഏറ്റവും വലിയ എച്ച്ആർ ഏജൻസീസ്-അബ്രോഡ് ജോബ് ഫെയറിൽ ഏകദേശം പതിനഞ്ചോളം റിക്രൂട്ടിങ് ഏജൻസികൾ പങ്കെടുക്കും. മുൻനിര ബഹുരാഷ്ട്ര കമ്പനികളിലും മറ്റും നിരവധി തൊഴിലവസരങ്ങളാണ് തൊഴിൽ മേള തുറന്നുതരുന്നത്.
രാവിലെ 10 മുതൽ വൈകീട്ട് ആറുവരെ നടക്കുന്ന മീഡിയാവൺ കരിയർ കണക്ട് തൊഴിൽ മേളയിൽ +2 മുതൽ വിദ്യാഭ്യാസ യോഗ്യതയുള്ളവർക്ക് പങ്കെടുക്കാം. വിദേശ രാജ്യങ്ങളിൽ സ്വകാര്യ മേഖലകളിൽ വിവിധ സ്ഥാപനങ്ങളിൽ നിരവധി തൊഴിലവസരങ്ങളുണ്ട്. വിദ്യാസമ്പന്നരായ ഉദ്യോഗാർഥികളെയും തൊഴിൽ നൈപുണ്യമുള്ളവരും ആഗോളതൊഴിൽ വിപണിയുമായി ബന്ധിപ്പിക്കുക എന്ന ലക്ഷ്യത്തോടെയാണ് തൊഴിൽ മേള സംഘടിപ്പിക്കുന്നത്. ജോലിയിൽ മുൻപരിചയമുള്ളവർക്കും തുടക്കക്കാർക്കും ഒരുപോലെ തൊഴിൽമേളയിൽ അവസരം നൽകുന്നു. മീഡിയവണുമായി സഹകരിച്ചാണ് തൊഴിൽ മേള സംഘടിപ്പിക്കുന്നത്.