ആപ് നേതാവ് കുമാര്‍ ബിശ്വാസ് ബി.ജെ.പിയിലേക്ക്
Update: 2018-04-30 16:42 GMT
കഴിഞ്ഞ ലോക്‌സഭാ തിരഞ്ഞെടുപ്പില്‍ രാഹുല്‍ ഗാന്ധി, സ്മൃതി ഇറാനി എന്നിവര്‍ക്കെതിരെ അമേഠിയില്‍ ആം ആദ്മി ടിക്കറ്റില്‍ കുമാര്‍ ബിശ്വാസ് മത്സരിച്ചിരുന്നു.
ആം ആദ്മി പാര്‍ട്ടി നേതാവ് കുമാര്‍ ബിശ്വാസ് ബി.ജെ.പിയിലേക്കെന്ന് സൂചന. വരാനിരിക്കുന്ന യു.പി തെരഞ്ഞെടുപ്പില്‍ സാഹിദാബാദില്‍ നിന്നും അദ്ദേഹം മല്‍സരിക്കുമെന്നും റിപ്പോര്‍ട്ടുകളുണ്ട്. കുമാര്‍ ബിശ്വാസുമായുള്ള ചര്‍ച്ചകള്‍ പുരോഗമിക്കുകയാണെന്ന് ബി.ജെ.പി കേന്ദ്രങ്ങള്‍ അറിയിച്ചു. യുപി തിരഞ്ഞെടുപ്പ് നടപടിക്രമങ്ങള്‍ തുടങ്ങിയ സാഹചര്യത്തില്‍ ബിശ്വാസിന്റെ ബി.ജെ.പി പ്രവേശനത്തില്‍ തീരുമാനം വൈകില്ല. കഴിഞ്ഞ ലോക്‌സഭാ തിരഞ്ഞെടുപ്പില്‍ രാഹുല്‍ ഗാന്ധി, സ്മൃതി ഇറാനി എന്നിവര്‍ക്കെതിരെ അമേഠിയില്‍ ആം ആദ്മി ടിക്കറ്റില്‍ കുമാര്‍ ബിശ്വാസ് മത്സരിച്ചിരുന്നു.