ഛത്തീസ്ഗഡില്‍ ആറ് മാവോയിസ്റ്റുകളെ ഏറ്റുമുട്ടലില്‍ വധിച്ചു
Update: 2018-05-13 10:36 GMT
നാരായണ്‍പൂരില്‍ സൈന്യത്തിന് നേരെ വെടിയുതിര്‍ത്ത മാവോയിസ്റ്റുകളെ ഏറ്റുമുട്ടലില്‍ കൊലപ്പെടുത്തുകയായിരുന്നുവെന്ന് സൈന്യം വ്യക്തമാക്കി
ഛത്തീസ്ഗഡില്‍ 6 മാവോയിസ്റ്റുകളെ ഏറ്റുമുട്ടലില്‍ കൊലപ്പെടുത്തിയതായി സൈന്യം. നാരായണ്‍പൂരില്‍ സൈന്യത്തിന് നേരെ വെടിയുതിര്‍ത്ത മാവോയിസ്റ്റുകളെ ഏറ്റുമുട്ടലില്‍ കൊലപ്പെടുത്തുകയായിരുന്നുവെന്ന് സൈന്യം വ്യക്തമാക്കി. ഇവരില്‍ നിന്ന് ആയുധങ്ങളും സ്ഫോടകവസ്തുക്കളും പിടിച്ചെടുത്തു. കഴിഞ്ഞ ഒക്ടോബര്‍ 24 ന് ആന്ധ്ര- ഒഡീഷ അതിര്‍ത്തിയില്‍ മാവോയിസ്റ്റുകളെന്ന് ആരോപിച്ച് 39 പേരെ സൈന്യം വെടിവെച്ച് കൊന്നിരുന്നു. ഇത് വ്യാജ ഏറ്റുമുട്ടലാണെന്ന് ആരോപണം ഉയര്‍ന്നിരുന്നു.