'രാഹുല്‍ എവിടെ പ്രചരണം നടത്തുന്നുവോ അവിടെ കോണ്‍ഗ്രസ് തോല്‍ക്കും'
Update: 2018-05-14 09:11 GMT
ഗുജറാത്തില്‍ രാഹുല്‍ ഗാന്ധിയുടെ പ്രചരണത്തിന് വന്‍ സ്വീകാര്യത ലഭിച്ചതോടെയാണ് തീവ്ര ഹിന്ദുത്വ ആശയങ്ങളുടെ പ്രചാരകനായ ആദിത്യനാഥിനെ കളത്തിലിറക്കാന്‍ ബിജെപി നേതൃത്വം നിര്‍ബന്ധിതരായത്.
കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി എവിടെ പ്രചരണം നടത്തുന്നുവോ അവിടെ കോണ്‍ഗ്രസ് തോല്‍ക്കുമെന്ന് ഉറപ്പാണെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. ഗുജറാത്തിലെ വല്‍സദില്‍ പ്രസംഗിക്കുകയായിരുന്നു അദ്ദേഹം. മൂന്ന് തലമുറകളായി അമേത്തിയെ പ്രതിനിധീകരിച്ച് അവിടെ വികസനം കൊണ്ടുവരാന്‍ കഴിയാത്ത ഗാന്ധി കുടുംബത്തിന് ഗുജറാത്തില്‍ വികസനം എങ്ങിനെയാണ് കൊണ്ടുവരാന്‍ കഴിയുകയെന്നും യോഗി ആദിത്യനാഥ് ചോദിച്ചു.
ഗുജറാത്തില്‍ രാഹുല്‍ ഗാന്ധിയുടെ പ്രചരണത്തിന് വന്‍ സ്വീകാര്യത ലഭിച്ചതോടെയാണ് തീവ്ര ഹിന്ദുത്വ ആശയങ്ങളുടെ പ്രചാരകനായ ആദിത്യനാഥിനെ കളത്തിലിറക്കാന്‍ ബിജെപി നേതൃത്വം നിര്‍ബന്ധിതരായത്. രാഹുലിനെ കടന്നാക്രമിക്കുന്ന ശൈലിയാണ് ആദിത്യനാഥ് പുറത്തെടുത്തിട്ടുള്ളത്.