കോവിഡിന് പുല്ലുവില: ആന്ധ്രയിലെ ചാണകയേറ് ആഘോഷത്തിന്‍റെ വൈറല്‍ ദൃശ്യങ്ങള്‍

കോവിഡ് കുതിപ്പിനിടെ വൈറലായി ആന്ധ്രാ പ്രദേശിൽ നിന്നുള്ള ചാണകയേറ് ആഘോഷം. ആന്ധ്ര പ്രദേശ് കുർണൂൽ ജില്ലയിലെ കൈരുപ്പാല ​ഗ്രാമത്തിൽ നിന്നുള്ള ആഘോഷത്തിന്റെ ദൃശ്യങ്ങളാണ് സമൂഹ മാധ്യമങ്ങളിൽ കൂടി പ്രചരിച്ചത്.

'പിടാകലാ വാർ' എന്നറിയപ്പെടുന്ന ആഘോഷമാണിതെന്നാണ് റിപ്പോർട്ട്. പുതുവർഷ ദിനമായ ഉ​ഗാധിക്ക് തൊട്ടടുത്ത ദിവസമാണ് ആഘോഷം നടക്കുന്നത്. ഇരു ചേരികളായി തിരിയുന്ന ജനക്കൂട്ടം പരസ്പരം ചാണക കട്ടകൾ എറിയുന്നതാണ് ആഘോഷം. പരിപാടിയിൽ എത്തിയ വൻ ജനക്കൂട്ടം മാസ്കോ, സാമൂഹ്യ അകലമോ പാലിക്കാതെ കൂടിച്ചേർന്ന് നിൽക്കുന്നതാണ് ദൃശ്യങ്ങളിലുള്ളത്.