ലോകത്തിലെ മികച്ച ബാറ്റ്സ്മാന്‍ ആരാണ്? ആമിര്‍ പറയുന്നു
Update: 2018-06-02 15:25 GMT
റൂട്ട്, വില്യംസണ്‍, സ്മിത്ത്, കൊഹ്‍ലി ഇവരില്‍ ആരാണ് മികച്ച താരമെന്ന മറ്റൊരു ചോദ്യത്തിന് വ്യക്തിപരമായി താന്‍ കൊഹ്‍ലിക്കൊപ്പമാണെന്ന മറുപടിയാണ് ആമീര്‍ നല്‍കിയിട്ടുള്ളത്.....
ലോകത്തിലെ ഇപ്പോഴത്തെ ഏറ്റവും മികച്ച ബാറ്റ്സ്മാന്‍ ആരാണെന്ന ചോദ്യത്തിന് ഇന്ത്യന്‍ നായകന്‍ വിരാട് കൊഹ്‍ലിയെന്ന മറുപടിയുമായി പാകിസ്താന്‍ പേസര്‍ മുഹമ്മദ് ആമീര്‍. ആരാധകരുമായി ട്വിറ്ററിലൂടെ നടത്തിയ സംവാദത്തിലാണ് കൊഹ്‍ലിയെ പ്രശംസിച്ച് പാകിസ്താന്‍ ബൌളറെത്തിയത്. നിലവിലുള്ള കളിക്കാരില്‍ പ്രതിഭകളെന്ന് ക്രിക്കറ്റ് ലോകം വിലയിരുത്തിയ റൂട്ട്, വില്യംസണ്‍, സ്മിത്ത്, കൊഹ്‍ലി ഇവരില്‍ ആരാണ് മികച്ച താരമെന്ന മറ്റൊരു ചോദ്യത്തിന് വ്യക്തിപരമായി താന്‍ കൊഹ്‍ലിക്കൊപ്പമാണെന്ന മറുപടിയാണ് ആമീര്‍ നല്‍കിയിട്ടുള്ളത്.
They all are but personally Virat kohli https://t.co/lYFNz4P5y2
— Mohammad Amir (@iamamirofficial) July 16, 2017
കളിക്കളത്തിലെ തീപ്പാറുന്ന പോരാട്ടങ്ങള്‍ക്കപ്പുറം ആമീറും കൊഹ്‍ലിയും വ്യക്തിപരമായി മികച്ച സൌഹൃദം പങ്കുവയ്ക്കുന്നവരാണ്. കോഴ വിവാദത്തെ തുടര്‍ന്ന് വിലക്കിന് ശേഷം ക്രിക്കറ്റ് ലോകത്തേക്ക് തിരിച്ചെത്തിയ ആമീറിനെ സ്വാഗതം ചെയ്ത് കൊഹ്‍ലിയുടെ ട്വീറ്റ് ഏറെ ശ്രദ്ധേയമായിരുന്നു. ആമീറിനെ വീണ്ടും കളിപ്പിക്കുന്നതിനെതിരെ ശക്തമായ വികാരം വളരുന്നതിനിടെയായിരുന്നു പരസ്യ പിന്തുണയുമായി കൊഹ്‍ലി രംഗതെത്തിയത്.