അര്‍ജന്റീനയെ തകര്‍ത്ത് ബ്രസീല്‍
Update: 2018-06-05 16:14 GMT
യോഗ്യതാ മത്സരങ്ങളില്‍ ബ്രസീലിന്റെ തുടര്‍ച്ചയായ അഞ്ചാം ജയമാണിത്.
ലോകകപ്പ് യോഗ്യതാ മത്സരത്തില്‍ കരുത്തരായ അര്‍ജന്റീനയെ തകര്‍ത്ത് ബ്രസീല്‍. കൌട്ടീഞ്ഞോ, നെയ്‍മര്‍, പൌളീഞ്ഞോ എന്നിവരാണ് ബ്രസീലിന് വേണ്ടി ഗോള്‍ നേടിയത്. പകുതി സമയത്ത് മടക്കമില്ലാത്ത രണ്ട് ഗോളിന് മുന്നിലായിരുന്നു ആതിഥേയര്‍.
ഈ തോല്‍വിയോടെ അര്‍ജന്റീനയുടെ റഷ്യ ലോകകപ്പ് സ്വപ്‍നങ്ങള്‍ തുലാസ്സിലായിരിക്കുകയാണ്. പത്തംഗ ലാറ്റിനമേരിക്കന്‍ ഗ്രൂപ്പില്‍ പതിനൊന്ന് മത്സരങ്ങള്‍ കഴിഞ്ഞപ്പോള്‍ പതിനാറ് പോയിന്റോടെ ആറാം സ്ഥാനത്താണ് അര്‍ജന്റീന. യോഗ്യതാ മത്സരങ്ങളില്‍ തുടര്‍ച്ചയായ അഞ്ചാം ജയത്തോടെ 24 പോയിന്റുമായി ബ്രസീല്‍ ഒന്നാം സ്ഥാനത്തും. ഇക്വഡോറിനെ ഒന്നിനെതിരെ രണ്ട് ഗോളിന് തോല്‍പിച്ച ഉറുഗ്വായ് 23 പോയിന്റുമായി രണ്ടാം സ്ഥാനത്തുണ്ട്. പതിനെട്ട് പോയിന്റുമായി കൊളംബിയ മൂന്നാമതും പതിനേഴ് പോയിന്റുള്ള ഇക്വഡോര്‍ നാലാമതും പതിനേഴ് പോയിന്റുമായി ചിലി അഞ്ചാമതുമാണ്.
.