‘ഫുട്ബോൾ സ്കിൽ മാരകം’; ​ക്രിക്കറ്റിനിടെയുള്ള കെ.എൽ രാഹുലിന്റെ വിഡിയോ കാണാം

പെർത്ത്: ഇന്ത്യ-ആസ്ട്രേലിയ ഒന്നാം ക്രിക്കറ്റ് ടെസ്റ്റിനിടെയുള്ള കെ.എൽ രാഹുലിന്റെ ഫുട്ബോൾ സ്കിൽ വിഡിയോ വൈറൽ. മത്സരത്തിനിടെ ക്രിക്കറ്റ് പന്ത് കാലിൽ ജഗിൾ ചെയ്യുന്ന വിഡിയോയാണ് വൈറലായത്.

മത്സരത്തിനിടെ ക്രിക്കറ്റ് ക​മൻറേറ്റർ രാഹുലിന്റെ ഫുട്ബോൾ സ്കില്ലിനെ പുകഴ്ത്തുകയും ചെയ്തിരുന്നു. തുടർന്ന് തന്റെ പുതിയ ഐ.പി.എൽ ടീമായ ഡൽഹി ക്യാപിറ്റൽസിന്റെ ഉടമ പാർത്ത് ജിൻഡാലിനെ മെൻഷൻ ചെയ്ത് ബെംഗളൂരു എഫ്.സിയിൽ അവസരം കിട്ടുമോ എന്ന് രാഹുൽ ഇൻസ്റ്റഗ്രാമിൽ സ്റ്റോറി പോസ്റ്റ് ചെയ്തിരുന്നു.

തൊട്ടുപിന്നാലെ രാഹുലിനെ ലോണിൽ വേണമെന്ന പോസ്റ്റുമായി ബെംഗളൂരു എഫ്.സിയും എത്തി. ടാക്സ് നൽകാമെന്നും ​ഐ.പി.എല്ലിന് മുന്നോടിയായി മടക്കി നൽകാമെന്നുമാണ് ബെംഗളൂരു പോസ്റ്റ് ചെയ്തത്. ജിൻഡാൽ കുടുംബത്തിന്റെ അധീനതയിലുള്ള ജെ.എസ്.ഡബ്ല്യൂ ഗ്രൂപ്പാണ് ഡൽഹി ക്യാപിറ്റൽസിനെയും ബെംഗളൂരു എഫ്.സിയുടെയും ഉടമകൾ.

ലഖ്നൗ സൂപ്പർ ജയന്റ്സ് ക്യാപ്റ്റനായിരുന്ന രാഹുലിനെ ടീം നിലനിർത്തിയിരുന്നില്ല. തുടർന്ന് ലേലത്തിൽ 14 കോടി നൽകി ഡൽഹി ക്യാപിറ്റൽസ് സ്വന്തമാക്കുകയായിരുന്നു.