6 രൂപക്ക് ഒരു മണിക്കൂര്‍ അണ്‍ലിമിറ്റഡ് 4 ജി ഡാറ്റ
Update: 2018-04-18 04:00 GMT
റിലയന്‍സ് ജിയോ 4 ജി വിപ്ലവത്തിന് തുടക്കമിട്ടതു മുതല്‍ നിരക്ക് യുദ്ധത്തിന്റെ പാതയിലാണ് ടെലികോം കമ്പനികള്‍.
റിലയന്‍സ് ജിയോ 4 ജി വിപ്ലവത്തിന് തുടക്കമിട്ടതു മുതല്‍ നിരക്ക് യുദ്ധത്തിന്റെ പാതയിലാണ് ടെലികോം കമ്പനികള്‍. ജിയോ മാസങ്ങള്‍ക്കിപ്പുറവും ഉയര്‍ത്തുന്ന വെല്ലുവിളിക്ക് അതേ നാണയത്തില്‍ തിരിച്ചടി നല്‍കാനാണ് മറ്റു ടെലികോം കമ്പനികളുടെ ശ്രമം. ജിയോയെ വെല്ലുവിളിച്ചാണ് വൊഡാഫോണ്‍ ഏറ്റവുമൊടുവില്‍ പുതിയ ഓഫര്‍ പ്രഖ്യാപിച്ചിരിക്കുന്നത്.
ഏറ്റവും കുറഞ്ഞ നിരക്കില്‍ കൂടുതല്‍ ഡാറ്റയെന്ന ആശയമാണ് വൊഡാഫോണ്‍ അവതരിപ്പിക്കുന്നത്. ആറു രൂപക്ക് ഒരു മണിക്കൂര്‍ സമയത്തേക്ക് അണ്‍ലിമിറ്റഡ് 3ജി/4ജി ഡാറ്റയാണ് വൊഡാഫോണ്‍ വാഗ്ദാനം ചെയ്യുന്നത്. പ്രീപെയ്ഡ് ഉപഭോക്താക്കള്‍ക്കായി സൂപ്പര്‍നൈറ്റ് എന്ന പേരിലാണ് ഈ ഓഫര്‍ പ്രഖ്യാപിച്ചിരിക്കുന്നത്. 29 രൂപക്ക് റീച്ചാര്‍ജ് ചെയ്താല്‍ പരിധികളില്ലാതെ അഞ്ച് മണിക്കൂര്‍ സമയം 3ജി/ 4ജി ഡാറ്റ ഉപയോഗിക്കാം. ദിവസത്തില്‍ ഏതു സമയത്തും ഓഫര്‍ ആക്റ്റിവേറ്റ് ചെയ്യാമെങ്കിലും പുലര്‍ച്ചെ ഒരു മണിമുതല്‍ ആറു മണി വരെ മാത്രമേ ഓഫര്‍ ഉപയോഗിക്കാനാവൂ അതായത് മണിക്കൂറിന് ആറു രൂപയില്‍ താഴെ മാത്രമാണ് ഡാറ്റ ഉപഭോഗത്തിന് ചെലവഴിക്കേണ്ടതുള്ളു. തിങ്കളാഴ്ച്ച മുതല്‍ ഓഫര്‍ നിലവില്‍ വരും. റീചാര്‍ജിനു പുറമെ *444*4# എന്ന് ഡയല്‍ ചെയ്തും ഓഫര്‍ ആക്റ്റിവേറ്റ് ചെയ്യാനാകും. ജിയോയുടെ ഏറ്റവും കുറഞ്ഞ റീചാര്‍ജ് 19 രൂപയിലാണ് തുടങ്ങുന്നത്. ആറു രൂപയുടെ റീചാര്‍ജിലൂടെ ജിയോയേക്കാള്‍ കുറഞ്ഞ നിരക്കില്‍ ഡാറ്റ എന്ന പ്രതീതി ജനിപ്പിക്കുകയാണ് വൊഡാഫോണ്‍.