പുതിയ ആപ്പിള്‍ ഉത്പന്നങ്ങളെ നെഞ്ചിലേറ്റി ചൈനയിലെ ഐഫോണ്‍ ആരാധകർ
ഹോങ്കോങിലെയും ബെയ്ജിങിലെയും ആപ്പിൾ സ്റ്റോറുകൾക്ക് പുറത്താണ് ഐഫോണ്‍ പ്രേമികൾ തടിച്ചുകൂടുന്നത്.
Update: 2018-09-22 02:35 GMT
ചൈനയിലും ഐഫോണ്‍ ജ്വരം . ചൈനയും യുഎസുമായുള്ള വ്യാപാര യുദ്ധവും തര്‍ക്കങ്ങളും ഒന്നും വകവെക്കാതെയാണ് ഐഫോണ്‍ ആരാധകർ പുതിയ ആപ്പിൾ ഉത്പന്നങ്ങളെ നെഞ്ചേറ്റിയിരിക്കുന്നത്.
ഹോങ്കോങിലെയും ബെയ്ജിങിലെയും ആപ്പിൾ സ്റ്റോറുകൾക്ക് പുറത്താണ് ഐഫോണ്‍ പ്രേമികൾ തടിച്ചുകൂടുന്നത്. വെള്ളിയാഴ്ച വിപണിയിലിറങ്ങിയ ആപ്പിളിന്റെ പുതിയ ഉത്പന്നങ്ങളായ ഐഫോണ്‍ ടെന്‍ എസ്, ഐഫോണ്‍ ടെന്‍ എസ് മാക്സ് എന്നിവയ്ക്കാണ് ഇപ്പോൾ മറ്റെവിടെയും എന്ന പോലെ ചൈനയിലും ഡിമാന്‍ഡ്.
മറ്റു വര്‍ഷങ്ങളെ അപേക്ഷിച്ച് ഈ വര്‍ഷം കച്ചവടത്തിൽ കുറവ് അനുഭവപ്പെടുന്നുണ്ടെന്നും റിപ്പോര്‍ട്ടുകളുണ്ട്. സെപ്തംബര്‍ 12ന് ആണ് ഐപ്പിളിന്റെ പുതിയ ഉത്പന്നങ്ങളായ ഐഫോണ്‍ ടെന്‍ എസ്, ഐഫോണ്‍ ടെന്‍ എസ് മാക്സ്, ഐഫോണ്‍ ടെന്‍ ആര്‍ എന്നീ ഫോണുകളും ആപ്പിൾ വാച്ചിന്റെ സീരീസ് 4 ഉം ലോഞ്ച് ചെയ്തത്.