ലോകത്തിലെ ഏറ്റവും ചെറിയ ഡിജിറ്റൽ പരസ്യം കാണണോ?

ലോകത്തിലെ ഏറ്റവും ചെറിയ ഡിജിറ്റൽ പരസ്യം കാണണോ. നെതർലൻഡിലെ ഒരു കമ്പനിയാണ് ലോകത്തിലെ ഏറ്റവും ചെറിയ പരസ്യം സൃഷ്ടിച്ച് ലോക റെക്കോർഡ് സ്ഥാപിച്ചിരിക്കുന്നത്. നഗ്നനേത്രങ്ങൾ കൊണ്ട് കാണാൻ കഴിയാത്തത്ര ചെറുതാണ് ഈ പരസ്യം.

എ.എസ്.എം.എൽ എന്ന ഒരു ചിപ് മെഷീൻ കമ്പനിയാണ് 22.37 മൈക്രോമീറ്റർ സ്ഥലത്ത് പരസ്യം നിർമിച്ചിരിക്കുന്നത്. മനുഷ്യന്റെ 75 മൈക്രോമീറ്റർ വരുന്ന മുടിയേക്കാള്‍ എത്രയോ ചെറുതാണ് ഈ പരസ്യം.

ടെക്കി വിദ്യാർഥികളെ റിക്രൂട്ട് ചെയ്യാനുള്ള ക്യാംമ്പയനിന് വേണ്ടിയാണ് ഈ കുഞ്ഞു പരസ്യം എ.എസ്.എം.എൽ കമ്പനി നിർമിച്ചത്. പരസ്യം ഗിന്നസ് വേൾഡ് റെക്കോർഡ്സില്‍ ഇടം നേടിയിട്ടുണ്ട്.  'To Truly Go Small You Have To Think Big #Smallest_AD ASML' എന്നായിരുന്നു പരസ്യം വാചകം.