കാൽ നഷ്​ടമായിട്ടും ആശുപത്രിയിൽ തിരിച്ചെത്തി; നിശ്ചയദാർഢ്യത്തിന്റെ പ്രതീകമായി ഗസ്സയിലെ ഡോക്​ടർ

ഗസ്സ സിറ്റി: ഇസ്രായേലി​െൻറ ആക്രമണത്തിൽ കാൽ നഷ്​ടപ്പെട്ടിട്ടും വീണ്ടും ആശുപത്രിയിൽ രോഗികളെ പരിചരിക്കാനെത്തി ഗസ്സയിലെ ഡോക്​ടർ. അൽ അഖ്​സ രക്​തസാക്ഷി ആശുപത്രിയിലെ ഡോ. ഖാലിദ്​ അൽ സയീദിയാണ്​ ഗസ്സയുടെ നിശ്ചയദാർഢ്യത്തി​െൻറ പ്രതീകമായി മാറി ലോകത്തി​െൻറ കയ്യടി നേടുന്നത്​.

ശിശുരോഗ അത്യാഹിത വിഭാഗത്തിലാണ്​ ഇദ്ദേഹത്തി​െൻറ സേവനം. കാൽ​ മുറിച്ചുമാറ്റിയതിനെ തുടർന്ന്​ ആറ്​ മാസമായി ഇദ്ദേഹം വിശ്രമത്തിലായിരുന്നു. കൃത്രിക കാൽ​ ഘടിപ്പിച്ച്​ വാക്കറുടെ സഹായത്തോടെയാണ്​ ഇദ്ദേഹം ഇപ്പോൾ നടക്കുന്നത്​. തുടർച്ചയായ ബോംബാക്രമണങ്ങൾക്കിടയിലും ഗസ്സയിലെ കുട്ടികൾക്കും മുതിർന്നവർക്കുമെല്ലാം തികഞ്ഞ അർപ്പണബോധത്തോടെ ഇദ്ദേഹം ചികിത്സ തുടരുകയാണ്​.

ജോലിയിൽ തിരിച്ചെത്തിയത്​ തനിക്കും ത​െൻറ രോഗികൾക്കും ഏറെ സഹായകരമായെന്ന്​ അദ്ദേഹം പറയുന്നു. ‘23 വർഷമായി അൽ അഖ്​സ ആശുപത്രിയിൽ പ്രവർത്തിക്കുന്നുണ്ട്​. ഒരു വീടിന്​ നേരെയുണ്ടായ ആക്രമണത്തിലാണ്​ കാലിന്​ പരിക്കേൽക്കുന്നത്​. പ്രമോഹ രോഗിയായതിനാൽ അവസ്​ഥ സങ്കീർണമായിരുന്നു. അതിനാൽ തന്നെ കാൽ​ മുറിച്ചുമാറ്റാൻ നിർബന്ധിതനായി.

ആറ്​ മാസം മുമ്പാണ്​ കാൽ മുറിച്ചുമാറ്റിയത്​. അതോടെ ആശുപത്രിയിൽനിന്ന്​ മാറിനിന്നു. പിന്നീട്​ ആക്രമണം ശക്​തമായതോടെ നുസൈറത്തിലേക്ക്​ താമസം മാറി. അവിടെയും ആക്രമണം തുടർന്നതോടെ കുടുംബത്തോടൊപ്പം ആശുപത്രിയിലാണ്​ കഴിഞ്ഞത്​.

കാൽ​ മുറിച്ചുമാറ്റിയതോടെ ഏറെക്കാലം നടക്കാൻ സാധിച്ചിരുന്നില്ല. പിന്നീട്​ കൃത്രിക കാൽ ഘടിപ്പിച്ചതോടെയാണ്​ നടക്കാനായത്​. ഇതോടെ ജോലിയിലേക്ക്​ തിരി​ച്ചെത്താനും സാധിച്ചു.

പക്ഷെ, പഴയപോലെ ജോലി ഇപ്പോൾ ചെയ്യാനകുന്നില്ല. മുമ്പ്​ ചെയ്​തതി​െൻറ നാലിലൊന്ന്​ മാത്രമാണ്​ ഇപ്പോൾ ചെയ്യാനാകുന്നത്​​. എന്നാലും വീണ്ടും ജോലിക്കെത്താൻ അവസരം നൽകിയതിന്​ ദൈവത്തിന്​ നന്ദി പറയുകയാണ്​.

കാൽ​ മുറിച്ചുമാറ്റിയതോടെ വിഷാദം പിടികൂടുകയുണ്ട്​. എന്നാൽ, ഇപ്പോൾ ഞാൻ ഇവിടെയുണ്ട്​. എല്ലാം പോസിറ്റീവായി മാറിയിരിക്കുന്നു​. എനിക്ക്​ ആളുകളെ സഹായിക്കാൻ സാധിക്കുന്നു. ​എനിക്ക്​ വേണ്ടിയും കുട്ടികൾക്ക്​ വേണ്ടിയും ജോലിയിൽ​ തിരിച്ചെത്തുക എന്നത്​ എ​െൻറ ആവശ്യമായിരുന്നു’ -ഡോ. ഖാലിദ്​ അൽ സയീദി പറഞ്ഞു.