വെസ്റ്റ് ബാങ്കിൽ വീണ്ടും സംഘർഷം; ഫലസ്തീൻ പൗരന്റെ വെടിയേറ്റ് രണ്ട്​ ഇസ്രായേലികൾ കൊല്ലപ്പെട്ടു

വെസ്റ്റ് ബാങ്ക്: വെസ്റ്റ്​ ബാങ്കിൽ വീണ്ടും സംഘർഷം. ഫലസ്​തീൻ പൗരൻ നടത്തിയ വെടിവെപ്പിൽ രണ്ട്​ ഇ​സ്രായേലികൾ കൊല്ലപ്പെട്ടു. പ്രതികാരമെന്നോണം ഫലസ്​തീൻ കേന്ദ്രങ്ങൾക്കു നേരെ കൂടുതൽ അതിക്രമങ്ങൾക്ക് സാധ്യതയേറി.

നബ്​ലുസ് ​പട്ടണത്തിലെ ഹുവാറയിലാണ്​ ഫലസ്​തീൻ പൗര​ൻ നടത്തിയ വെടിവെപ്പിൽ രണ്ട്​ ഇസ്രായേലികൾ കൊല്ലപ്പെട്ടത്​. ഫലസ്​തീൻ പൗരൻമാർക്കു നേരെ അടുത്തിടെ ഇസ്രാ​യേൽ കുടിയേറ്റക്കാരും സൈന്യവും അ​ക്രമം അഴിച്ചുവിട്ട പ്രദേശമാണ്​ ഹുവാറ. വെടിയുതിർത്ത ഫലസ്​തീൻ പൗരനെ കണ്ടെത്താൻ വ്യാപക തെരച്ചിൽ ആരംഭിച്ചതായി ഇസ്രായേൽ സുരക്ഷാ സേന അറിയിച്ചു.