ഗല ഇൻഡസ്ട്രിയൽ ഏരിയയിലെ കെട്ടിടത്തിൽ തീപിടിത്തം: 80 പേരെ രക്ഷപ്പെടുത്തി
എല്ലാവരും ആരോഗ്യവാന്മാരാണെന്ന് സി.ഡി.എ.എ
Update: 2024-06-23 10:18 GMT
മസ്‌കത്ത്: മസ്‌കത്ത് ഗവർണറേറ്റിലെ ഗല ഇൻഡസ്ട്രിയൽ ഏരിയയിലെ കെട്ടിടത്തിലുണ്ടായ തീപിടിത്തം സിവിൽ ഡിഫൻസ് ആൻഡ് ആംബുലൻസ് അതോറിറ്റിയുടെ (സി.ഡി.എ.എ) അഗ്‌നിശമന സേനാംഗങ്ങൾ അണച്ചു. സംഭവത്തിൽ എൺപത് പേരെ രക്ഷപ്പെടുത്തിയതായും എല്ലാവരും ആരോഗ്യവാന്മാരാണെന്നും സിഡിഎഎ അറിയിച്ചു. എക്‌സിലെ ഔദ്യോഗിക അക്കൗണ്ടിലാണ് ഇക്കാര്യം അറിയിച്ചത്.