മസ്‌കത്ത് എക്സ്പ്രസ് വേ ഭാഗികമായി തുറന്നു
എക്സ്പ്രസ് വേ വീണ്ടും തുറക്കുന്നതായി റോയൽ ഒമാൻ പൊലീസ് ട്രാഫിക്കും മസ്‌കത്ത് മുനിസിപ്പാലിറ്റിയുമാണ് അറിയിച്ചത്
Update: 2024-06-28 09:59 GMT
മസ്‌കത്ത്: മസ്‌കത്ത് എക്സ്പ്രസ് വേ ഭാഗികമായി തുറന്നു. ഖുറം ഏരിയയിൽ മദീനത്ത് അൽ ഇല്ലം പാലം ഇന്റർസെക്ഷൻ നമ്പർ 2 മുതൽ സിറ്റി സെന്റർ ഖുറം ബ്രിഡ്ജ് ഇന്റർസെക്ഷൻ നമ്പർ 1 വരെയുള്ള ഭാഗമാണ് അറ്റകുറ്റപ്പണി പൂർത്തിയാക്കി തുറന്നത്. മുത്രയിലേക്ക് പോകുന്ന എക്സ്പ്രസ് വേ വീണ്ടും തുറക്കുന്നതായി റോയൽ ഒമാൻ പൊലീസ് ട്രാഫിക്കും മസ്‌കത്ത് മുനിസിപ്പാലിറ്റിയുമാണ് അറിയിച്ചത്.
സുരക്ഷാ നടപടിക്രമങ്ങൾ പാലിച്ചതിനും മെയിന്റനൻസ് സൈറ്റിലെ മാർഗ്ഗനിർദ്ദേശങ്ങൾ പാലിച്ചതിനും മുനിസിപ്പാലിറ്റി എല്ലാവർക്കും നന്ദി പറഞ്ഞു.