യു.എ.ഇയിലെ എല്ലാ സ്വകാര്യ മേഖല ജീവനക്കാർക്കും പുതുവത്സര ദിനത്തിൽ അവധി

അബൂദബി: യു.എ.ഇയിലെ എല്ലാ സ്വകാര്യ മേഖല ജീവനക്കാർക്കും പുതുവത്സര ദിനത്തിൽ അവധിയായിരിക്കും. മാനവവിഭശേഷി എമിറേറ്റൈസേഷൻ മന്ത്രാലയമാണ്​ ഇക്കാര്യം അറിയിച്ചത്​. സർക്കാർ സ്വകാര്യ മേഖലകളിലെ അംഗീകൃത ഔദ്യോഗിക അവധികൾ സംബന്ധിച്ച യു.എ.ഇ കാബിനറ്റ് തീരുമാന പ്രകാരമാണ് അവധി പ്രഖ്യാപനം. അടുത്ത വർഷം നിരവധി അവധി ദിവസങ്ങൾ പൊതു, സ്വകാര്യ മേഖലകൾക്ക്​ ലഭിക്കും.

സർക്കാർ അറിയിപ്പ് പ്രകാരം പുതുവത്സര അവധിക്ക്​ പുറമെ ആറ്​ അവധികൾ കൂടിയാണ്​ 2023ൽ വരാനിരിക്കുന്നത്​. റമദാൻ 29 മുതൽ ശവ്വാൽ മൂന്ന്​ വരെ നീളുന്ന ഈദുൽ ഫിത്​ർ അവധി, ദുൽഹജ്ജ് ​ഒമ്പതിന് ​അറഫ ദിന അവധി, ദുൽഹജ്ജ്​ 10 മുതൽ 12 വരെ ഈദുൽ അദ്​ഹ അവധി, ഹിജ്​റ വർഷാരംഭ അവധി, മീലാദുന്നബി അവധി, ഡിസംബർ 2-3 തിയതികളില ദേശീയ ദിന അവധി എന്നിവയാണ്​ പട്ടികയിലുള്ളത്​.