പുതിയ പ്രസിഡന്റിന് ആശംസകള്‍ നേര്‍ന്ന് കാതോലിക്കാ ബാവ ശൈഖ് നഹ്യാനെ സന്ദര്‍ശിച്ചു
Update: 2022-07-05 03:35 GMT
മലങ്കര ഓര്‍ത്തഡോക്‌സ് സുറിയാനി സഭ പരമാദ്ധ്യക്ഷന്‍ ബസ്സേലിയോസ് മാര്‍ത്തോമാ മാത്യൂസ് തൃതീയന്‍ കാതോലിക്കാ ബാവ യു.എ.ഇ സഹിഷ്ണുത മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാനെ സന്ദര്‍ശിച്ചു.
യു.എ.ഇ മുന്‍ പ്രസിഡന്റ് ശൈഖ് ഖലീഫയുടെ വേര്‍പാടില്‍ അനുശോചനം രേഖപ്പെടുത്തിയ അദ്ദേഹം, പുതിയ പ്രസിഡന്റ് ശൈഖ് മുഹമ്മദ് ബിന്‍ സായിദിന് ആശംസകളും നേര്‍ന്നു. ഫാദര്‍ ഡോ. ജോണ്‍സ് കോനാട്ട്, വികാരി ഫാദര്‍ ബിനീഷ് ബാബു, സഹ വികാരി ഫാദര്‍ സിബു തോമസ്, ഷാജി കൊച്ചു കുട്ടി, ബിജു സി ജോണ്‍, സജി ഡേവിഡ്, ബിനില്‍ എം സ്‌കറിയ തുടങ്ങിയവര്‍ ബാവക്ക് ഒപ്പം സന്ദര്‍ശനത്തില്‍ പങ്കെടുത്തു.