ഗൾഫുഡ് മേളയിൽ പുതിയ ഉൽപ്പന്നങ്ങളുമായി കമ്പനികൾ; ഇന്ത്യൻ വിഭവങ്ങൾക്ക് സ്വീകാര്യത

ദുബൈ: ഭക്ഷ്യമേഖലയിലെ മാറ്റം മുന്നിൽക്കണ്ട്​ ആവിഷ്​കരിച്ച നിരവധി ഉൽപ്പന്നങ്ങളാണ്​ ഗൾഫുഡ്​ മേളയിൽ കമ്പനികൾ അവതരിപ്പിക്കുന്നത്​. ഭക്ഷ്യോൽപ്പന്ന മേഖലയിൽ ഗൾഫ്​ മേഖല കൈവരിച്ച മികച്ച നേട്ടത്തി​ന്റെ കൂടി തെളിവായി മാറുകയാണ്​ മേള.

ഭക്ഷ്യമേഖല മാത്രമല്ല, അഭിരുചികളും മാറുകയാണ്​. ഇതു കണ്ടറിഞ്ഞാണ്​ ഭക്ഷ്യ വിപണന രംഗത്ത്​ പുതിയ ഉൽപ്പന്നങ്ങളും രീതികളും കൊണ്ടുവരാൻ കമ്പനികൾ തയാറെടുക്കുന്നത്​. കോക്കനട്ട്​ പേസ്​റ്റ്​ മുതൽ മിക്​സ്​ചർ ഉൽപ്പന്നങ്ങൾ വരെ പുതിയ പാക്കിങ്ങിലും രീതിയിലും തയാറാക്കുകയാണ്​ കമ്പനികൾ.

അൽ റവാബിയുടെ പുതിയ ഏ 2 മിൽക്ക്​ ഉൾപ്പടെയുള്ളവക്ക്​ മികച്ച സ്വീകാര്യതയാണ്​ മേളയിൽ ലഭിക്കുന്നത്​. ആർ.കെ.ജി ഉൽപന്നങ്ങൾക്കായി ഇത്തവണയും ഗൾഫുഡിൽ സ്​റ്റാൾ ഒരുക്കിയിട്ടുണ്ട്​.

ആർ.ജി ഫുഡ്​സും ഗൾഫുഡ്​ മേളയിൽ വലിയ പ്രതീക്ഷയാണ്​ അർപ്പിക്കുന്നത്​. ഇന്ത്യക്ക്​ പുറമെ തുർക്കി ഉൾപ്പെടെയുള്ള രാജ്യങ്ങളിൽ നിന്നും വൻതോതിൽ കമ്പനികളാണ്​ ഗൾഫുഡ്​ മേളയ്ക്കെത്തിയിരിക്കുന്നത്​.