യു.എ.ഇ പൗരന്മാര്‍ക്ക് ഇന്ത്യ ഉള്‍പെടെ 14 രാജ്യങ്ങളിലേക്ക് യാത്രാവിലക്ക്

ഇന്ത്യ ഉൾപ്പെടെ 14 രാജ്യങ്ങളിലേക്ക്​ യാത്ര ചെയ്യുന്നതിന്​ യു.എ.ഇ പൗരന്മാർക്ക്​ വിലക്ക്​. കോവിഡ്​ വ്യാപനവും അവധിക്കാലവും മുൻനിർത്തിയാണ്​ യാത്രാ നിയന്ത്രണമെന്ന്​ യു.എ.ഇ അധികൃതർ വിശദീകരിച്ചു.

ഇന്ത്യക്കു പുറമെ പാകിസ്​താൻ, ബംഗ്ലാദേശ്​, നേപ്പാൾ, ശ്രീലങ്ക, വിയറ്റ്​നാം, ദക്ഷിണാഫ്രിക്ക, നൈജീരിയ ഉൾപ്പെടെയുള്ള രാജ്യങ്ങളിലേക്ക്​ യാത്ര ചെയ്യുന്നതിനാണ്​ വി​ലക്കേർപെടുത്തിയത്​. ഈ രാജ്യങ്ങളിലുള്ളവർക്ക്​ യു.എ.ഇയിലേക്ക്​ വരാൻ നേരത്തെ വിലക്കേർപെടുത്തിയിരുന്നു.

അവധിക്കാലത്ത്​ ഇന്ത്യ അടക്കമുള്ള രാജ്യങ്ങളിലേക്ക്​ യാത്ര ചെയ്യുന്ന പതിവുണ്ട്​ യു.എ.ഇ പൗരന്മാർക്ക്​. ഈ രാജ്യങ്ങളിൽ കോവിഡ്​ രൂക്ഷമായതിനാൽ പൗരന്മാർക്ക്​ സംരക്ഷണമൊരുക്കുകയെന്നതും യാത്രാവിലക്കിന് ഉദ്ദേശമുണ്ട്. 

അവധി ആഘോഷിക്കാൻ വിദേശത്തേക്ക്​ യാത്ര ചെയ്യുന്നവർ രണ്ടു ഡോസ്​ വാക്​സിൻ സ്വീകരിക്കണമെന്ന്​ കഴിഞ്ഞ ദിവസം യു.എ.ഇ അറിയിച്ചിരുന്നു. അതേസമയം, നയതന്ത്ര ഉദ്യോഗസ്​ഥർക്കും അടിയന്തിര ചികിത്സയ്ക്ക്​ പോകുന്നവർക്കും അനുമതി നേടിയ ബിസിനസുകാർക്കും യാത്ര ചെയ്യുന്നതിന്​ തടസമുണ്ടാകില്ല.