പ്രചാരണ തിരക്കില്‍ കുഞ്ഞാലിക്കുട്ടി

പ്രധാന വ്യക്തികളെ സന്ദര്‍ശിച്ച് പിന്തുണ തേടുന്ന തിരക്കിലാണ് മലപ്പുറത്തെ യുഡിഎഫ് സ്ഥാനാര്‍ഥി പികെ കുഞ്ഞാലിക്കുട്ടി. നാളെയാണ് കുഞ്ഞാലിക്കുട്ടിയുടെ മണ്ഡല പര്യടനം ആരംഭിക്കുക.

പ്രധാന വ്യക്തികളെ സന്ദര്‍ശിച്ച് പിന്തുണ തേടുന്ന തിരക്കിലാണ് മലപ്പുറത്തെ യുഡിഎഫ് സ്ഥാനാര്‍ഥി പികെ കുഞ്ഞാലിക്കുട്ടി. നാളെയാണ് കുഞ്ഞാലിക്കുട്ടിയുടെ മണ്ഡല പര്യടനം ആരംഭിക്കുക. ചില പ്രധാന വ്യക്തികളെ നേരിട്ടുകണ്ട് പിന്തുണ അഭ്യര്‍ത്ഥിക്കുന്ന തിരക്കിലാണ് കഴിഞ്ഞ ഒരാഴ്ചയായി പികെ കുഞ്ഞാലിക്കുട്ടി.

മണ്ഡല പര്യടനം ആരംഭിക്കുന്നതിന് മുന്‍പ് മണ്ഡലത്തില്‍ സ്വാധീനമുള്ള പ്രമുഖരെ നേരിട്ട് കാണാനുള്ള ഓട്ടപ്പാച്ചിലാണ്. മലപ്പുറം സെന്റ് ജോസഫ് ചർച്ച് വികാരി ഫാദർ സെബാസ്റ്റ്യൻ കരേക്കാട്, പെരിന്തല്‍മണ്ണ കുന്നക്കാവ് പുതുമനയിലെ പുരുഷോത്തമന്‍ നന്പൂതിരി എന്നിവരെ കുഞ്ഞാലിക്കുട്ടി സന്ദര്‍ശിച്ചു. ഇസ്ലാമിക പണ്ഡിതനായ ഏലംകുളം ബാപ്പു മുസ്ലിയാരുടെ വീട്ടില്‍ ചെന്നും പിന്തുണ അഭ്യര്‍ത്ഥിച്ചു.

തിങ്കളാഴ്ചയാണ് കുഞ്ഞാലിക്കുട്ടിയുടെ മണ്ഡല പര്യടനം ആരംഭിക്കുന്നത്. മലപ്പുറം മണ്ഡലത്തിലാണ് ആദ്യ പര്യടനം.