ഈ ചിത്രങ്ങള്‍ പറയും വാക്കുകള്‍ക്കപ്പുറത്തെ ലോകം
Update: 2018-02-21 01:08 GMT
ടര്‍ബ്യൂലന്റ് ലെന്‍സ് എന്ന് പേരിട്ട പ്രദര്‍ശനം പ്രശസ്ത ഫോട്ടോഗ്രാഫര്‍ പുനലൂര്‍ രാജന്‍ ഉദ്ഘാടനം ചെയ്തു
കോഴിക്കോട് പ്രസ് ക്ലബിന്റെ വാര്‍ത്താ ചിത്രപ്രദര്‍ശനം ലളിത കലാ അക്കാദമി ആര്‍ട്ട് ഗാലറിയില്‍ ആരംഭിച്ചു. ടര്‍ബ്യൂലന്റ് ലെന്‍സ് എന്ന് പേരിട്ട പ്രദര്‍ശനം പ്രശസ്ത ഫോട്ടോഗ്രാഫര്‍ പുനലൂര്‍ രാജന്‍ ഉദ്ഘാടനം ചെയ്തു.
ഒറ്റ ക്ലിക്കില്‍ പതിഞ്ഞ ജീവിതങ്ങള്‍... വാക്കുകള്‍ക്കപ്പുറം സംസാരിക്കുന്ന നിമിഷങ്ങള്‍.. കോഴിക്കോട് ലളിതകലാ അക്കാദമി ആര്‍ട്ട് ഗാലറിയില്‍ എത്തിയാല്‍ ഒറ്റ ഫ്രെയിമില്‍ കഥ പറയുന്ന കുറേ ഫോട്ടോകള്‍ കാണാം. വഴിയോരങ്ങളില്‍ തീരുന്ന ജീവിതങ്ങള്‍, പ്രകൃതിയുടെ അസാധാരണ ഭാവങ്ങള്‍, മന്ത്രിമാരുടെയും സെലിബ്രിറ്റികളുടെയും അപൂര്‍വ നിമിഷങ്ങള്‍.
വിവിധ പത്രസ്ഥാപനങ്ങളിലെ 38 ഫോട്ടോഗ്രാഫര്‍മാരുടെ 120 വാര്‍ത്താ ചിത്രങ്ങളാണ് ഇവിടെ ഒരുക്കിയിരിക്കുന്നത്. അരികുവല്‍ക്കരിക്കപ്പെട്ട ജീവിതങ്ങള്‍, നിസ്സഹായത, പ്രതിരോധം, വിശപ്പ് ആഹ്ലാദം തുടങ്ങി എല്ലാ ഘടകങ്ങളും ഇവിടെ വിഷയമായിരിക്കുന്നു. അടുത്ത തിങ്കളാഴ്ച വരെ തുടരുന്ന പ്രദര്‍ശനത്തില്‍ സംവാദവും ഫോട്ടോഗ്രഫി മത്സരവുമൊക്കെ ഉള്‍പ്പെടുത്തിയിട്ടുണ്ട്.