നേമത്ത് ആഹ്ലാദപ്രകടനത്തിനിടെ സംഘര്‍ഷം
Update: 2018-04-17 01:03 GMT
ബിജെപി സ്ഥാനാര്‍ഥി ഒ രാജഗോപാല്‍ വിജയിച്ച തിരുവനന്തപുരം നേമം മണ്ഡലത്തില്‍ ആഹ്ലാദപ്രകടനത്തിനിടെ പലയിടങ്ങളിലായി സംഘര്‍ഷം.
ബിജെപി സ്ഥാനാര്‍ഥി ഒ രാജഗോപാല്‍ വിജയിച്ച തിരുവനന്തപുരം നേമം മണ്ഡലത്തില്‍ ആഹ്ലാദപ്രകടനത്തിനിടെ പലയിടങ്ങളിലായി സംഘര്‍ഷം. കാരക്കമണ്ഡപം, പഴയ കാരക്കമണ്ഡപം എന്നിവിടങ്ങളില്‍ സിപിഎം, ബിജെപി പ്രവര്‍ത്തകര്‍ തമ്മിലാണ് സംഘര്‍ഷമുണ്ടായത്. സിപിഎം പ്രവര്‍ത്തകര്‍ കരിങ്കൊടി കാണിച്ചു എന്നാരോപിച്ച് ആഹ്ലാദപ്രകടനവുമായി എത്തിയവര്‍ കല്ലെറിഞ്ഞു. കല്ലേറില്‍ സ്വകാര്യ ബില്‍ഡിങിന്റെ ജനല്‍ചില്ലുകള്‍ തകര്‍ന്നു. മണ്ഡലത്തിന്റെ വിവിധ ഭാഗങ്ങളില്‍ കനത്ത പൊലീസ് സുരക്ഷ ഏര്‍പ്പെടുത്തിയിട്ടുണ്ട്.
അഞ്ച് സിപിഎം പ്രവര്‍ത്തകരെ പൊലീസ് അറസ്റ്റ് ചെയ്തു. ഇവരെ വിട്ടയക്കണമെന്ന് ആവശ്യപ്പെട്ട് സിപിഎം പ്രവര്‍ത്തകര്‍ നേമം പൊലീസ് സ്റ്റേഷന്‍ ഉപരോധിക്കുകയാണ്.