"ബി പോസിറ്റീവ്" ഫോട്ടോപ്രദര്‍ശനം
Update: 2018-05-18 13:39 GMT
വ്യത്യസ്ത ചിരികള്‍ ക്യാമറയില്‍ പകര്‍ത്തി ഫോട്ടോപ്രദര്‍ശനം.
വ്യത്യസ്ത ചിരികള്‍ ക്യാമറയില്‍ പകര്‍ത്തി ഫോട്ടോപ്രദര്‍ശനം. ബി പോസിറ്റീവ് എന്ന സന്ദേശവുമായി കോഴിക്കോട് ആര്‍ട്ട് ഗ്യാലറിയിലായിരുന്നു ഫോട്ടോപ്രദര്‍ശനം. കൊയിലാണ്ടി സ്വദേശി പ്രിന്‍സാണ് പ്രദര്‍ശനം ഒരുക്കിയത്.
ചിരിക്കാന്‍ മറന്നുപോകുന്നവര്‍ക്കാണ് പ്രിന്‍സ് ഈ ചിത്രങ്ങള്‍ സമര്‍പ്പിക്കുന്നത്. ചിത്രങ്ങള്‍ കണ്ടുതീരുമ്പോഴേക്കും കാണുന്നവരും ഒരിക്കലെങ്കിലും പുഞ്ചിരിക്കും. പ്രായഭേദമില്ലാത്ത ചിരിയുടെ 55 പകര്‍പ്പുകളാണ് പ്രദര്‍ശനത്തിനുണ്ടായിരുന്നത്. വേള്‍ഡ് ഹാപ്പിനെസ്സ് ഡേയോടനുബന്ധിച്ചായിരുന്നു പ്രദര്‍ശനം.
ചിത്രങ്ങള്‍ കോര്‍ത്തിണക്കി ബി പോസിറ്റീവ് എന്ന പേരില്‍ മ്യൂസിക് വീഡിയോയും പ്രിന്‍സ് പുറത്തിറക്കിയിട്ടുണ്ട്. ഫോട്ടോഗ്രാഫര്‍മാരായ അച്ഛന്റെയും അമ്മയുടെയും വഴി പിന്തുടര്‍ന്നാണ് പ്രിന്‍സും ക്യാമറ കയ്യിലെടുത്തത്.