സെറീന വില്യംസിന് എടപ്പാളില്‍ റേഷന്‍ കാര്‍ഡ് !
Update: 2018-05-26 02:02 GMT
റേഷന്‍ കാര്‍ഡിലെ തെറ്റുകളെ കുറിച്ച് നിരവധി പരാതികളാണ് ഉയരുന്നത്. തെറ്റുകള്‍ പറ്റുമെങ്കിലും ഇത്ര വലിയ തെറ്റ് എങ്ങനെ സംഭവിച്ചുവെന്ന് ആര്‍ക്കും അറിയില്ല.
റേഷന്‍ കാര്‍ഡിലെ തെറ്റുകളെ കുറിച്ച് നിരവധി പരാതികളാണ് ഉയരുന്നത്. തെറ്റുകള്‍ പറ്റുമെങ്കിലും ഇത്ര വലിയ തെറ്റ് എങ്ങനെ സംഭവിച്ചുവെന്ന് ആര്‍ക്കും അറിയില്ല. വെങ്ങിനിക്കരയിലെ അബൂബക്കറിന്റെ ഭാര്യ സെറീനയാണ് സെറീന വില്യംസ് ആയി മാറിയത്. മുന്‍ഗണന പട്ടികയില്‍ ഉള്‍പെട്ടിട്ടുണ്ടോ എന്ന് പരിശോധിക്കനായി നോക്കിയപ്പോഴാണ് ലോക ടെന്നീസ് താരം സെറീന വില്യംസിന്റെ പേരില്‍ റേഷന്‍ കാര്‍ഡ്ഉളളത് ശ്രദ്ധയില്‍പെട്ടത്. സെറീന വില്യംസ് ആയതുകൊണ്ടായിരിക്കും ഇവരെ മുന്‍ഗണന പട്ടികയില്‍നിന്നും ഒഴിവാക്കിയിട്ടുണ്ട്. അപേക്ഷ എഴുതി നല്‍കിയപ്പോഴും, മുന്‍ റേഷന്‍ കാര്‍ഡുകളിലും സെറീന എന്നുളളത് ഇപ്പോള്‍ എങ്ങനെ സെറീന വില്യംസ് എന്നായി എന്നറിയാതെ പകച്ചുനില്‍ക്കുകയാണ് ഈ കുടുംബം. ടിവിയില്‍ സെറീന വില്യംസിന്റെ കളി കാണുന്നതിനിടക്ക് ഡാറ്റ എന്‍ട്രിചെയ്തതാണെന്ന് ട്രോളര്‍മാര്‍ പറയുന്നത്. മണ്ണെണ്ണക്കും അരിക്കുമായി സെറീന വില്യംസ് ഓടുന്നതായും ട്രാളുകള്‍വന്നു കഴിഞ്ഞു.