കെപിസിസി പ്രസിഡന്റ് തെരഞ്ഞെടുപ്പ്; ഉമ്മൻചാണ്ടി രാഹുൽ ഗാന്ധിയുമായി കൂടിക്കാഴ്ച നടത്തി

ചെങ്ങന്നൂർ ഉപതെരഞ്ഞെടുപ്പ് കഴിയും വരെ അധ്യക്ഷപദവിയിൽ എം.എം ഹസൻ തുടരട്ടെയെന്ന് രാഹുൽ ഗാന്ധിയെ അറിയിച്ചതായാണ് വിവരം

പുതിയ കെപിസിസി അധ്യക്ഷനെ തെരഞ്ഞെടുക്കുന്നതുമായി ബന്ധപ്പെട്ട് മുൻ മുഖ്യമന്ത്രി ഉമ്മൻചാണ്ടി അധ്യക്ഷൻ രാഹുൽ ഗാന്ധിയുമായി കൂടിക്കാഴ്ച നടത്തി.
ചെങ്ങന്നൂർ ഉപതെരഞ്ഞെടുപ്പ് കഴിയും വരെ അധ്യക്ഷപദവിയിൽ എം.എം ഹസൻ തുടരട്ടെയെന്ന് രാഹുൽ ഗാന്ധിയെ അറിയിച്ചതായാണ് വിവരം. കേരളത്തിലെ രാഷ്ട്രീയ സാഹചര്യവും കൂടിക്കാഴ്ചയിൽ ചർച്ചയായി.

ഡൽഹിയിലുള്ള പ്രതിപക്ഷ നേതാവ് രമേശ് ചെന്നിത്തലയും രാഹുൽഗാന്ധിയെ ഇന്നോ നാളെയോ കാണും. പുതിയ അധ്യക്ഷനെ പ്രഖ്യാപിക്കുന്നത് നീട്ടി കൊണ്ടു പോകേണ്ടത് ഇല്ലെന്ന് നിലപാടാണ് രാഹുലിന് ഉള്ളത്. കഴിഞ്ഞ ദിവസം എകെ ആന്റണിയും കേരളത്തിന്റെ ചുമതലയുള്ള മുകുൾ വാസ്നിക്കും രാഹുൽ ഗാന്ധിയുമായി ഇക്കാര്യം ചർച്ച ചെയ്തിരുന്നു.