ചെഗുവേരയുടെ പിന്മുറക്കാരാണ് മെസിയും കൂട്ടരും; അഭിനന്ദനവുമായി എം എം മണി
Update: 2018-06-12 10:09 GMT
ഇസ്രായേലുമായുള്ള ലോകകപ്പ് സന്നാഹ ഫുട്ബോള്‍ മത്സരത്തില്‍ നിന്ന് പിന്മാറിയ അര്‍ജന്‍റീന ടീമിനെ അഭിനന്ദിച്ച് വൈദ്യുത വകുപ്പ് മന്ത്രി എം എം മണി.
ഇസ്രായേലുമായുള്ള ലോകകപ്പ് സന്നാഹ ഫുട്ബോള്‍ മത്സരത്തില്‍ നിന്ന് പിന്മാറിയ അര്‍ജന്‍റീന ടീമിനെ അഭിനന്ദിച്ച് വൈദ്യുത വകുപ്പ് മന്ത്രി എം എം മണി. അനീതിക്കെതിരെ ഭയമില്ലാതെ വാക്കും മുഷ്ടിയും ഉയർത്തിയ ചെഗുവേരയുടെ പിന്മുറക്കാർ തന്നെയാണ് മെസിയും കൂട്ടരും എന്ന് എം എം മണി ഫേസ് ബുക്കില്‍ കുറിച്ചു.
ഫുട്‌ബോളിന് പകരം തലയോട്ടി ചവിട്ടിപ്പിടിച്ച് നില്‍ക്കുന്ന തോക്കുധാരിയായി ഇസ്രായേലിനെ ചിത്രീകരിച്ച കാരിക്കേച്ചറും മന്ത്രി ഫേസ് ബുക്ക് പോസ്റ്റിനൊപ്പം പങ്കുവെച്ചു. തോക്കുധാരിക്ക് മുന്‍പില്‍ തന്‍റേടത്തോടെ നില്‍ക്കുന്ന ലയണല്‍ മെസിയെയും കാരിക്കേച്ചറില്‍ കാണാം. മന്ത്രിയുടെ നിലപാടിനെ അനുകൂലിച്ചും പ്രതികൂലിച്ചും പോസ്റ്റിന് താഴെ വാദപ്രതിവാദങ്ങള്‍ നടക്കുകയാണ്.