'വി.മുരളീധരൻ കേരളത്തിന്റെ അംബാസഡർ'; പ്രശംസിച്ച് അബ്ദുൽ വഹാബ് എം.പി

ന്യൂഡൽഹി; കേന്ദ്ര സഹമന്ത്രി വി.മുരളീധരൻ കേരളത്തിന്റെ ഡൽഹിയിലെ അംബാസഡറെന്ന് അബ്ദുൽ വഹാബ് എം.പി. കേരളത്തിന്റെ ഡൽഹിയിലെ അംബാസിഡറാണ് മുരളീധരനെന്നും മുരളീധരന്റെ കേരളത്തിനെതിരായ വിമർശനങ്ങളിൽ വാസ്തവമുണ്ടെന്നും വഹാബ് പറഞ്ഞു.

മുരളീധരൻ മികച്ചരീതിയിൽ  പ്രവർത്തിക്കുന്നതായി മുസ്ലിം ലീഗ് അഭിപ്രായപ്പെട്ടപ്പോൾ കേരളത്തിന്റെ വികസനത്തിന് തടസ്സം നിൽക്കുന്നത് വി.മുരളീധരൻ ആണെന്നായിരുന്നു സിപിഎമ്മിന്റെ ആരോപണം. നോട്ട് നിരോധന സമയത്ത് കേരളത്തിൽ വന്ന് പറഞ്ഞെതെല്ലാം ഇപ്പോൾ മറന്നു എന്നും കേരളത്തിന്റെ വികസനത്തിന് തടസ്സം നിൽക്കുന്നത് വി.മുരളീധരനാണെന്നും ബ്രിട്ടാസ് ആരോപിച്ചു.

ധനവിനിയോഗ ബില്ലിന്മേലുള്ള ചർച്ചയ്ക്കിടെയാണ് വി.മുരളീധരനെ കുറിച്ചുള്ള ചർച്ച ഉയർന്നത്.